فقت الصباح دوشت وصليت صلاتي لبست حوايجي وخرجت ندور شوية من بعد مشيت لعند الطبيب دوزت انا: واش كاين شي مشكل الطبيب: معندي منخبي عليك حالتك زادت تدهورات انا: ممم وكاين شي علاج الطبيب: غادي نصحك بواحد الطبيب الصديق ديالي وهو مختص بالقلب مي المشكل هو كاين فباريس انا: ماشي مشكل غدا نهبط لفرنسا الطبيب: الى كان هكا اوكي انا غادي ناخد ليك موعد غدا فالعشية صافي انا: صافي واخة انا الصباح انشد الطيارة الطبيب: اوكي هاهو العنوان دالكلينيك لي خدام فيه وسميتو مجد البناني انا: اوكي شكرا... خرجت مشيت قطعت البيي ديال الطيارة عندي مع 9 من بعد مشيت البحر بقيت جالسة حتى جاو عندي جنون حازم وعلاء علاء: هاحنااا انا: بسم الله الرحمان الرحيم كيدرتو عرفتوني فين كاينة حازم: الله يخطي عليناgps انا: هههه بااز اش بغيتو علاء: ماشي حرام عليك جيتي ومقلتيلهاناش كون ماشي ماكس لي قالهالنا gاع منعرفو انا: سمحولي والله مي مكنتش عوالة نجي.. ممم عرفتو بغيتكوم فواحد الحاجة حازم: شناهيا انا: (....) تقدرو ديرو هادشي علاء: ويي خلي هادشي علينا ياك احازم حازم: وي كوني هانيا نتي غير رتاحي حنا غنقادو كلشي انا: الله يخليكم ليا.. بقينا كنهدرو وجاو البقية دالكليكة حتى من ريم كان باين عليها الحزن جريتها من يديها وبعدنا عليهم انا: ريم سمحيلي ريم: نتي مادرتي والو انا: نتي متيقة بلي غتاصبها ريم: لا ميمكنش شتي انا وعمرو قربلي مي معرفتش زعما يكون شرب شي حاجة والله حتى تلفت اختي انا: غادي نقوليك واحد الحاجة مي واعديني ماتقوليلو والو ريم: كنواعدك راه انا عرفتك قبل منو انا: اوكي ديك الموسخة دارتلو منوم وهادشي لقيناه فالتحاليل لي دار معاذ ريم: مي هو قالي النتيجة خرجات سلبية انا: هادوك ماشي التحاليل دياولو راه تغالطو الفرملية هو شاف سلبية وناض عايرني ومشا شوية جات عندي الفرملية عتادرات مني وعطاتني دياولو ريم: وعلاش مقلتيهالوش انا: عندي مخطط اخر غادي نشوهها قدام العائلة ريم: اويلي لا حشومة انا: مكاين لا حشومة لا والو انا عندي عداوة مع مها من شحال هادي ودبا حتى هي زادت فالقائمة وغادي نوريها ريم: اوكي ديري لي بغيتي انا: المهم فاش انكون هابطة المغرب اتهبطي حتي نتي ونتلاقاو اوكي ريم: نهبطو انا وياك انا: لا انا غادا لفرنسا ومبغيتك تقوليها لحتى واحد ريم: اش غاديري تما انا: غادي نتلاقا بواحد البنت تعرفت عليها فالمغرب ريم: اوكي
