تغدينا وكان الجو مكهرب انا كنحس بشي حاجة تجاهو مي مزال معارفا شناهيا.. سالينا الغدا انا: فين غانمشيو دبا واش عند الدراري مجد: لا هاد النهار ديالنا غير بجوج انا: (بفرحة) اوكيي.. مشينا حتى وقفني قدام اليخت مجد: ياله زيدي انا: فين غنمشيو مجد: غادي نكريو هادا ونمشيو انا وحبيبتي انا: هههه اوكيي.. مشا كراه وشدني من يدي وطلعنا مشينا جلسنا فالمقدمة ديال اليخت مجد: ممم نطلب منك طلب انا: ويي مجد: ممكن تغنيلي انا: هههه شنو بغيتي نغنيليك مجد: لي بغيتي انا: ممم اوكي هزيت تيليفون وطلقت واحد اللحن كان عندي ديال say you love me_ jessie ware وبديت كنغني بكل احاسيسي هههه ساليت وانا نشوف فيه مجد: كنبغيك كثر مكتصوريي انا: (ابتسمت) مجد: ليلى نسولك انا: وي خود راحتك مجد: واش عندي امل انا: منكرش بلي كنحس تجاهك بشي حاجة مي ممتاكداش وكنظن بلي كاين امل مجد: (عنقني) انا غادي نصبر واخة 10 سنين المهم نتي تكوني حدايا انا: متخلاش عليا عفاك مجد: منقدرش نتي وليتي قطعة مني انا: (زيرت عليه) واخة... بقينا هكاك حتى بدا يضلام الحال وحنا نرجعو ركبنا فطموبيل ومشينا للدار لقيناهم كاينين معاذ: على السلامة فين كنتو مجد: خرجنا تغدينا وبقينا كندورو شوية فطنجة مراد: وعلاش مجيتوش لعندنا انا: (كنشوف فمجد لقيتو كيضحك ولد الحرام وحلني) دبا اخويا.. مجد: (غمزهم) تعطلنا فالنعاس وقلنا غاتكونو تغديتو داكشي علاش ماكس: (جا لعندي) اجي معايا بغيت نهدر معاك انا: (شفت فمجد لقيتو مخنزر) احم اوكي ياله خرجت انا وياه وركبنا فطموبيل وزدنا انا حاسة بالخلعة ومن هادشي لي فبالي يكون بصح *في الفيلا* ريان: علاش غمزتينا مجد: (فكر امجد فكدبة ياله) احم كان خاصني نبقا غير انا وياها حاولت نهدر معاها على والديها باش تسامح معاهم (الكاتبة: الله يمسخك الكداااب) ليليا: اوى اش قالت اخويا مجد: المهم بدات كتقتنع شويا مي مزال خاصني نهدر معاها معاذ: شكرا اخويا خيرك معمري نساه مجد: مابيناتناش.. فين مشا ماكس وليلى مراد: والله ماعرفين من قبيلة وهو كيعيط ليها فالتيليفون مي مكتجاوبش جاكلين: غير بغا يسولها على شي حاجة وصافي دبا شوية تلقاهم جايين مجد: (افف الله يصبرني) اوكي *عند ليلى* انا: ماكس خلعتيني هدر دبا عفاك ماكس: مشيت خديت النتيجة ديال الفحوصات ديالك انا: (بخوف) اوى ماكس: خاصك اليلى ديري عملية انا: (عنقتو) هئ هئ خايفة اماكس ماكس: راه قتليك الطب تقدم ونهدرو مع مجد هو ايكون خبير فهاد المجال وغادي يعطينا نصائح انا: هئ هئ لا هو اعتارفلي بلي كيبغيني هاد النهار منقدرش نقولهالو هادشي غيبقا بيناتنا ماكس: كيفاش بيناتنا واش مغادريش العملية انا: غادي نديرها مي ماشي دبا.. بغيت نتسامح مع والديا ونعيش معاهم شي يامات باش حتى الى مت.. ماكس: سكتي نتي غادي تعيشي انا: ديني دبا لشي بلاصة مبغيتش نمشي للدار ماكس: (تنهد) اوكي
