مجد: اوكي.. مي حضي راسك احبيبتي انا: متخافش احياتي.. بقينا جالسين ومعانقين حتى صدمني مجد: حبيبتي انا خاصني نرجع لفرنسا انا: (تقاديت فالجلسة) علاش مجد: تقريبا شهر وانا هنا والكونجي تسالا غنمشي ندوز غير شي شهر ونعاود نشد كونجي ونجي عندك انا: شهر بزاااف مجد: غادي نبقاو نهدرو دييما وشهر دغيا يدوز انا: اففف مجد: هههه وصافي احياتي غير نقاد الامور ديالي ونرجع لعندك انا: (عنقتو) وااخة احياتي مجد: ردي البال لراسك وعنداك تمشي معاه للدار ديما جلسو غير فالكافي ولا الريسطو.. وخا كون جات عليا متقربيلوش انا: متخافش عليا حبيبي.. مشا مجد هبطت تعشيت وطلعت لبيتي شديت تيليفون ودرت نمرتو سامي: الو انا: الو هادي ليلى سامي: وي عرفتك سافا انا: حمد الله ونتا سامي: حمد الله كيدازت الحصة انا: بحال gاع الحصص مزال متذكرت حتا حاجة سامي: متجهديش راسك وانا معاك غادي نعاونك انا: ميرسي سامي: ياله نخليك دبا ترتاحي تال غدا ونهدرو انا: اوكي.. يخخخ على بنادم كيداير افف الله يصبرني.. بقيت كنفكر حتى داتني عيني صبح صباح جديد كان الاحد جا عندنا ريان وبقينا مجمعين انا وياه ومعاذ فبيتي حتى صيفطلي حبيبي ميساج قالي راه وصل لفرنسا جاوبتو وهبطنا تغدينا.. وهكا دازت اسابيع تقربت من سامي شوية واليوم عارضني نتغداو نضت لبست حوايجي وتقاديت خرجت ركبت طموبيلتي ومشيت للبلاصة فين غنتلقاو لقيتو كيتسناني حطيت الطموبيل ومشيت ركبت معاه انا: سلام ياكما تعطلت عليك سامي: لا ياله وصلت.. سافا انا: حمد الله ونتا سامي: اوسي.. انا عارض عليك نتغداو فالدار.. نمشيو انا: (الله اكبر) اه واخة... مشينا وانا كندعي متوقعلي حتى حاجة.. مزال معارفة علياش ناوي الحد الان كيعاملني مزيان وعمرو قرب ليا مي كنحس بلي هادا الهدوء قبل العاصفة وصلنا للفيلا ديالو كانت زوينة ودخلنا كانت الخدامة رتاحيت شوية حيت ماشي بوحدي معاه جلسنا فالجردة وحطولينا الغدا بقينا كناكلو حتى صدمني سامي: احم ليلى تقبلي تزوجي بيا انا: (اويلي) ماشي زربتي سامي: حنا من شحال هادي كنعرفو بعضياتنا انا متفهمك بلي دبا كتحسبيني غريب مي راه نتي كنتي ديما كتقوليليا نتزوجو انا: اوكي انا نهدر مع ماما باش تجي تخطبني سامي: واخة مي حاس بلي مغاديش يقبلوني انا: المهم انا قابلاك وغادي نتحدا كلشي سامي: الله يخليك ليا.. كملنا الماكلة وانا كنفكر مكنتش عوالة على هادشي ودبا خاصني نتحرك قبل مايفوت الفوت سالينا ورجعني gاع مهدرنا وصلني وتوادعنا ركبت طموبيلتي ومشيت نيشان عند ريان.. وصلت للدار دخلت وبقيت كنعيط ووالو يمكن مزال مجا شوية حسيت بشي حد مورايا وقريب ليا بزاف درت وانا نحل عيني من الصدمة... *عند سامي* سلام اكيد نتوما واخدين عليا نظرة خايبة مي نتوما ماعشتوش داكشي لي عشت انا ولي قاسيت... معارفش شنو هو حنان الام حيت تربيت بدون ام الاب ديالي قال بلي هربات مع شي واحد وخلاتني كرهتها وكرهت gاع العيالات كان الواليد قاسي معايا بزاف وكانت زوجة الاب ديالي لي هي الام ديال ريان مكتهتمش بيا نهائيا ويلا مشيت درت شي خطأ كضربني... عارف بلي معنديش الحق نتعدى على ديك البنت حيت مدارتلي والو مي جات فواحد الحالة لي كنت فيها بحال الوحش حتى اغتاصبتها وسحابلي ماتت فاش ديناها للغابة حطيناها ومشينا وصلني ريان للدار ومشا ومن تما معاود هدر معايا انا دخلت فحالة كآبة تبعت عند طبيب نفسي أنبني ضميري بزااف على داكشي لي درت فيها ومزال صغيرة معارفة والو.. مدة عامين عاد بديت كنسا وبديت حياتي من جديد وفوقما كطيحلي فالبال كندعي معاها بالرحمة وانها تسمحلي....
