هزاتها وبقات كضحك معاها شحال ونسات راسها حتى جا عندي سامي باش نمشيو نتغداو ولقاها كتلعب مع جوري بدا كيبتسم سامي: احم ياله نتغداو انا: ياله اماجدة معانا ماجدة: لا بلاش سامي: غير ياله معانا مرحبا بيك ماجدة: (حشمات) اوكي.. مشينا تغدينا وهما كيشوفو فبعضياتهم اما انا جالسة كنلعب مع جوري وكناكلو سالينا ومشينا للشركة وهكا دازت شهراين قوات علاقتي بماجدة ومرة مرة كتجي لعندي للدار وكتعامل جوري مزيان وهادشي زاد فرحني وريحني حيت بانلي سامي كيبغيها وحسيت بها حتى هي كتبغيه.. اليوم وصلت للدار عيانة دوشت انا وجوري ولبسنا حوايجنا نعستها ونعست مع عييت حتى كنفيق على البكا ديالها شفت الساعة لقيتها 11 دالليل قستها كانت سخونة بزاف عبرتليها السخانة لقيتها 39,5 تخلعت مشيت كنجري لبيت سامي ملقيتوش سولت الخدامة قاتلي مزال مجا كنعيطلو ووالو وانا نعيط لماجدة ماجدة: اهلا ليلى انا: هئ هئ ماجدة عفاك اجي عندي جوري طالعاليها السخانة وخاصني نديها لشي كلينيك وسامي مكاينش عفاك اجي دباا ماجدة: واخة 5دقايق نكون عندك انا: اوكي.. قطعت معاها ولبست حوايجي ولبست جوري وهزيت سويك فيها شي حويجات ديالها وانا نسمع ماجدة جات هبطت كنجري ودموعي نازلين شوية وقفت تصدمت ماجدة: ليلى شنو وقعليها قاستها زيدي سربي السخانة طالعاليها بزااف.. شافتني فين كنشوف.. هادا خويا مجد انا: متشرفين.. اما هو بقا مصدوم كيشوف فيا شوية ويشوف فجوري.. بدات كتبكي... عفاك سربيو دخلت للطموبيل من بعد ماوصيت الخدامة فاش يجي سامي تقولهالو جلست اللور كنبكي على بنتي وكنبكي على حبي تجمع عليا كلشي انا: هئ هئ عفاكم سربيو بنتي غتموت ماجدة: متخافيش مجد خويا عفاك سربي شويا... هو منطق بحتى كلمة غير كيشوف انا: ششش صافي احبيبتي.. وصلنا وخرجت كنجري وماجدة ومجد تابعيني دخلوها وانا جلست حطيت راسي على يدي وبقيت كنبكي ماجدة: صافي اختي راه غادي تولي مزيان انا: ان شاء الله.. بقينا شوية ومجد واقف بعيد كيشوف فيا خرج الطبيب طمني عليها دخلت عندها لقيتهم معلقين ليها السيروم هزيتها وجلست فوق الناموسية دخل مجد وجلس فالفوتوي بقا كيشوف فيا حتى تحل الباب ودخل سامي كينهج انا: (بالغوات داكشي لي مقديتش ندير لمجد درتو لسامي) فين كنتي من الصباح وانا نعيط ليك سامي: كنت فاجتماع والله كيبقات جوري انا: (تحشيت فيه وبقيت كنبكي) سامي: ششش صافي ماوقع والو ماجدة: راه غير مع الخلعة وصافي غير خليها تبكي باش تهدن سامي: (زير عليها) هادي اخر مرة نتعطل فيها كنواعدك حبيبتي.. سمعت الباب تحل وتسد عرفتو مشا بقيت جالسة حتا نعسات جوري وحطيتها وخرجت مشيت للطواليط نغسل وجهي غير دخلت بديت كنبكي عوتاني حتا تحطات يد عليا درت بزربة لقيت مجد وعينيه فيهم الدموع عنقتو وبقيت كنبكي مجد: (بصوت مخنوق) علاش درتي فيا هكا انا: نتا فاهم غلاط هئ هئ مجد: (دفعني) اخر مرة نشوفك كنكرهك.. ومشا خرج وانا جلست للارض بقيت كنبكي حتى ارتاحيت وغسلت وجهي ومشيت لبيت لقيت سامي وماجدة كيهدرو ويضحكو سامي: كيبقيتي شوية انا: وي الحمد لله سامي: راه سالا السيروم ياله نمشيو انا: اوكي تسنا نبدليها الحوايج.. بدلتليها حوايجها وهزها سامي مشينا لقيت مجد واقف حدا الطموبيل كيتسنا ختو سلمت عليها ومشات وانا مشيت ركبت مع سامي وصلنا للدار طلعت نيشان للبيت تكيت وبقيت كنبكي حتى نعست.. صبح نهار جديد لبست بديت كنقلب على تليفوني مي مالقيتوش عييت منقلب ووالو خليت حتى وصلت للشركة وصونيت عليه ....: الو انا: (متوترة) واش مجد مجد: وي راه لقيت تليفونك فالطموبيل انا: ممكن تعطيه لماجدة تجيبولي مجد: نتي فينك دبا انا: فالشركة خدامة مجد: اوكي ياك خدامة مع ماجدة انا: ويي مجد: اوكي 5دقايق نكون عندك انا: اوكي.. توترت وفرحت شوية بقيت كنفيبري فبلاصتي حتى سمعت الباب كيدق وهو يدخل مجد: سلام انا: وعليكم السلام مجد: (مدلي التليفون) هاهو انا: سمحلي عدبتك معايا مجد: نو مكاين حتى عداب
