انا: توحشتكووم شيماء وكوثر: حتا حنا كوثر: فين غبرتي انا: غير مع شي مشاكيل وصافي شيماء: علاش شنو واقع انا: عاودتليهم داكشي لي وقع لمعاذ شيماء: بنت الحرام كيفاش قدات دير هكا كوثر: مي نتي عفريتة هههه عبرتي عليها انا: تستاهل ماكثر.. بقينا العشية كاملة كنهدرو ونتعاودو حتى وصلت 7 ورجعت للدار طلعت دوشت خرجت صليت هدرت مع خوتي ونزلت تعشيت وطلعت نعس... صبح صباح جديد نضت توضيت وصليت لبست حوايجي (الصورة) نزلت فطرت ومشيت لفاك تلاقيت البنات قرينا داك الصباح اما العشية خاوية وتافقت مع البنات يجيو عندي يجيبولي داكشي لي فاتني.. وصلت للدار صليت وتغديت هبطت لتحت بقيت كنعزف حتى صونا تيليفون انا: اهلا سافا علاء: وي حمد الله.. هاحنا وصلنا مكناس صيفطيلنا العنوان انا: واااو صافي هانا انصيفطولكم دابا... من بعد شوية كانو وصلو جلسنا كنهدرو حتى صونا لباب حلات سناء صدقو البنات لي جاو انا: اهلا فين تعطلتو كوثر: غير مع الطاكسيات انا: اوكي نعرفكم هادو اصدقاء دياولي علاء وحازم... وهادو الصديقات دياولي كوثر وشيماء علاء: (كيشوف فكوثر) متشرفين كوثر: (بحشمة) حتا حنا انا: (كنشوف فعلاء كيشوف فكوثر وحازم فشيماء.. الله الله عشق جديد يولد...) هانا راجعة اوكي علاء: اوكي... مشيت وخليتهم على راحتهم صليت العصر ورجعت لقيت علاء جالس حدا كوثر كيهدرو وحازم مع شيماء كيهدرو حتا هما انا: اووه عندي ركن التعارف هنا ولا شنو.. ناض حازم سدلي فمي وجرني حازم: شوفي غادي ديري شي مصيبة عوتاني ليا انا وعلاء غنتفاهمو معاك (حيت فوقما كنشوفهم مع البنات كنحرمها عليهم) انا: سمع هادوك راه صحابتي نتوما الى درتو شي حاجة ماشي تالهيه غنتفاهم معاكم حازم: اوكي غير تهناي مغنديرو والو.. دازت 5شهور.. حازم رجع كيحماق على شيماء وحتى هيا ونفس شي بالنسبة لكوبل لاخور رجعو كل ويكاند كيجيو عندي وكيخرجو مع البنات حيت هما رجعو للمغرب خدامين فالرباط عندهم بجوج شركة وخا مزال صغار فعمرهم 25 عام مي بخدمتهم والكفاح ديالهم قدرو يأسسو شركة وبداو دبا كيكبروها... اما انا مزال متبعة مع الدوا وكنحاول منعييش راسي والحمد لله كنظن دبا حسن من اللول وصلو وقيتة ديال الامتيحانات خدمنا انا والبنات مزيان واليوم اخر نهار جينا خارجين حتى كنلقا واحد الشخص قدامي بالصدمة جلست فالارض وكنشوف واش بصح ولا غير كنتخايل..
