ريان: (حدر لعندي) ليلى تهدني و قوليلنا مالك انا: معرفتش يمكن تجرحت معاذ: كيفاش فين تجرحتي انا: معرفتش انا دخلت للطواليط ندير بيبي و شفت الدم فسليب ديالي ريان و معاذ رجعو حوومر مقدوش يشوفو فبعضياتهم هههه ناض ريان خرج مشا شرالي الفوط الصحية و بقى معاذ كيحاول مسكين يشرحلي بلي داكشي عادي وجبدلي واحد الفيديو كيهضر على البلوغ عاد فهمت جا ريان جابلي داكشي و شرحلي كيندير نستعملو حتى بداو كيشدو معايا الحساب و فوقما كتقرب تجي كنلقا اولويز فالبيت ههه عاوتاني فاش نكونو كنتفرجو وتجي شي لقطة حميمية كيسدولي عينيا بجوج بهم هههه.... #الحاضر فقت صباح مشيت هزيت تيليفون معاذ صيفت ميساج ل ليليا كنسول كيدوزات الجهوي بصفتي معاذ زعما جاوبتني فرحت تمنيت نقوليها انا ختك مي ميمكنش فاق معاذ لقاني هازة تيليفون و عينيا مدمعين عرف اش كاين حليا يديه مشيت عندو عنقتو معاذ: توحشتيها انا: بزااف هئ هئ معاذ: ششش بغيتي نمشيو للمغرب انا: مكرهتش كنفكر نكمل قرايتي تما من مور الباك فشي جامعة معاذ: نتي عارفة عائلة الادريسي معروفة غير غادي تبداي القرايا كلشي غيعرفك حية انا: هئ هئ نبدل سمية المهم نهبط المغرب على الاقل فاش نتوحشها نمشي نشوفها غير من بعيد معاذ: اوكي صافي متبكيش انا غنلقا الحل ريان: (دخل) احح قلبي كتخونوني انا: ههههه لا حاشا وانا نقدر نخونك معاذ: سيرو خرجو عليا خليوني نلبس اه و اليوما نوبتك فالفطور الالا ليلى ياله طيري انا: افف وااخا.. مشيت وجدت الفطور معاذ: ممم تبارك الله على الحادgة ديالي.. جلسنا فطرنا هما مشاو وانا جلست كنجمع فالدار و طيبت الغدا دخلت دوشت توضيت صليت الظهر و جلست كنتفرج حتا جاو جلسو حطيتلهم تغدينا مشاو رجعو لخدمتهم وانا لبست ومشيت ل لصال..
