حليت عيني لقيت راسي فلكلينيك وسناء حدايا انا: سناء فين ريان سناء: راه مشا للرباط وقاليك ارتاحي حتى يعيطليك انا: ياله زيدي نمشيو سناء: مزال خاصك ترتاحي تال غدا انا: زيدي راني ممسالياش... مشينا للدار طلعت دوشت وصليت ودعيت الله ينقد ختي.. اه ختي دارت كسيدة ومعرفتهاش واش حية ولا ميتة.. لبست حوايجي كلشي فالكحل هزيت شي حوايج قلال ونزلت انا: سناء محتاجاك وخاصك تعاونيني سناء: اه الى قديت مرحبا انا: انا خاصني نمشي نسافر يومين ونرجع مي مبغيت تاواحد يعرف الى عيط ريان قوليلو راه كتبقا جالسة غير فبيتها الله يعطيك الستر انا غادي نطفي تيليفوني و واخة نتعطل غادي تجاوبيه نفس الجواب ويلا قاليك دوزيهالي قوليلو مبغاتش اوكي سناء: واخة لي بغيتي مشيت ركبت طموبيل كان خداهالي ريان مفيهاش الكاميرة وصلت للرباط درت على بزاف ديال الكلينيك عاد لقيت لي فيه ختي درت نظاظر كبار كوحل مغطيين نص فوجهي سولت على الطبيب لي مقابلها طلعت طليت عليهم جيهت الغرفة بانتلي ماما وبابا باين عليهم الحزن محسيت حتى نزلات دمعة من عيني مسحتها ونزلت مشيت عند الطبيب انا: سلام عفاك بغيت نسولك على الحالة ديال ليليا الادريسي الطبيب: مرحبا مي نقدر نعرف شكون نتي انا: انا ختها الطبيب: اوكي هي تعرضت لحادثة خايبة بزاف وحيدناليها كلية مي للاسف حتى الاخرى تقاست ومريضة وضروري نلقاوليها شي متبرع انا: اوكي انا نتبرع الطبيب: مزال خاصنا نديرو التحاليل باش نشوفو واش تقدري تبرعي حتى عائلتك دارو التحاليل انا: (حيدت النضاضر) مي انا ختها التوام زعما نقدر نتبرع الطبيب: ويي مزيان انديروليك غير شي تحاليل باش نشوفو واش معندك تا مشكيل انا: اوكي انا مستعدة من دبا مي قبل بغيت نطلب منك طلب هو: وي مرحبا انا: مابغيت تاواحد من عائلتي يعرف انا مكنهدرش معاهم من شحاال هادي انا جيت غير على قبل ختي هو: وي هدا كيبقا اختيارك وحنا من واجبنا الحفاظ على الخصوصية انا: شكرا بزاف نقدرو دبا نمشيو نديرو التحاليل هو: وي ياله معايا
