وصلني لباب الشركة جيت نزل وهو يشدني من يدي انا: شنو مجد: (باسلي يدي) كنبغيك ومع 12 غاتلقايني كنتسناك هنا انا: (تزنكت) احم واخة.. نزلت وقلبي كيضرب كنحس بلي كلشي كيسمعو.. طلعت لبيرو ديالي وبديت كنخدم كان عندي اجتماع مع 10 ومع خويا مكاينش دونك ضروري نحضر.. وصلات الوقيتة جمعت الملفات ومشيت داز مزياان شفت الساعة لقيتها 12:30 نااري قفرتها خرجت بالزربة مشيت للبيرو نحط الوراق ونعيطلو غير دخلت وهويعنقني شي حد من اللور وسد الباب انا عرفتو غير من ريحتو مجد: ممم توحشتك ماشي حشومة عليك خلتيني كنتسناك انا: (متوترة) سمحلي راه الاجتماع لي طول مجد: (زاد حشاها فيه) ماشي مشكيل احبيبتي انا: (كنحاول نتفك منو واخة نموت ونبقا هكا مي الكرامة البنات) حيد خليني نحط الوراق ونهز صاكي راه فيا الجوع مجد: اوكيي.. طلقني وحطيت داكشي هزيت صاكي ومشينا للريسطو تغدينا كنحس بيه بلي باغي نرجعو كيفما كنا.. سالينا ورجعني للشركة طلعت بديت كنخدم حتى كنحس بالوجع فيا مشيت طواليط لقيتها جاتني كنت هازا معايا الاحتياط قاديت المسائل وخرجت كانت 4 دالعشية ماقديتش نصبر هزيت صاكي ومشيت للدار دخلت لبست بيجامة سخونة تحشيت فالملاية ونعست حتى كنفيق على التليفون كيصوني هزيتو لقيت مجد نسيتو انا: (بصوت عيان) الو مجد: حياتي مزال معطلة هانا لتحت انا: راني فالدار مجد: (تعصب) وعلاش متسنيتينيش انا: راني رجعت مع ديك 4 حيت عييت شوية سمحلي مجد: (بخوف) اوكي 5 دقايق نكون عندك... شوية وصل مجد طلع نيشان لبيتها لقاها مكمشة فالملاية تخلع عليها ومشا لعندها مجد: (قاس راسها لقاها سخونة) حبيبتي هانا جيت شنو كيضرك ولا عرفتي زيدي نمشيو للطبيب انا: (كنهدر بشوية) لا بلاش راه عادي غير غانعس شوية وغادي نولي مزيان.. فهم ومشا لبيتو بدل ونزل طيبليها الحليب وطلعوليها جلس حداها مجد: حبيبتي نوضي شربي كاس دالحليب سخون انا: مقداش غير خليني مجد: بزز علييك انا: واخة.. تسندت عليه وخديت الحليب شربتو سخنلي كرشي بعدا وانا نتكا شوية حسيت بيه تحشا من مورايا وضمني ليه كيدوز يديه على كرشي بقا هكاك حتى نعست وانا حاسة بالراحة... مجد شافها ترخات وعرفها نعسات مي مبغاش يطلقها بقا هكاك حتى نعس..... فقت كنلقا راسي محشية فمجد وهو كيشوف فيا ويبتاسم باينة عاد فاق من النعاس مجد: كيبقيتي انا: مزيان حمد لله وسمحلي عدبتك معايا مجد: متقوليش هكا نتي راكي حبيبتي وعدابك راحة انا: هئ هئ مجد: شش مالكي واش فيك الوجع بزاف انا: علاش درتي فيا هادشي وعاملتيني بحال شي حيوانة علاش خليتيني نكرهك كان ممكن تجي تصارحني انا بلاصة متمشي عند هاديك مجد: (بقا فيه الحال) ماكنتش فوعيي وندمت بزاف كنعتادر منك فاش قلتيلي ديك الهدرة متحكمتش فراسي انا: (عنقتو) واعدني عمرك تعاود هاد التصرف انا كنبغييك ومنقدرش نعيش بلا بيك مي منستحملش الى عاودتي.. مجد: (قاطعني) ششش كنواااعدك عمرني فحياتي مندير شي حاجة بزز منك انا: كنبغيك مجد: وانا كنحماق عليك.. ياله احبيبتي نوضي بدلي حوايجك انا نهبط نوجد العشا انا: وااخة.. خرج ونضت بدلت حوايجي ونزلت لقيتو فالكوزينة شافني وهو يجرني جلسني فوق الكرسي وهبط عندي مجد: شنو مشهية حبيبتي انا: اش كيعرف يطيب حبيبي هههه مجد: مممم الصراحة مكنعرفش مي غير قوليلي وانا ندير داكشي لي كاتقولي انا: ههههه اوكي ياله سير جبد ليباط والكفتة مجد: هي لولا.. باسني فحنكي وناض بدا كيدير داكشي ليكنقولو حتى سالا وحط داكشي فالطبلة وبقا كيتسناني حتى ندوق مجد: كيجااك انا: مممم بنيين تبارك الله عليك مجد: (بفرح) بصحتك حبيبتي.. سمعنا الدقان وناض يحل مجد: (باستغراب) ياسمين ماالكي ياسمين: داري كتصبغ وماقديتش على ديك الريحة والروينة وجيت عندكوم الى كان ممكن نجلس معاكم هاد السيمانة مجد: (عندي خيرية انا) اوكي مرحبا.. دخل مجد للصالون وشفت معاه ياسمين وباليزة فيديها بقيت غير كنشوف مجد: احم حبيبتي ياسمين غاتجلس معانا هاد السيمانة حيت دارها كتصبغ انا: (كنشوف فمجد معصب جابلي الضحكة) اه ماشي مشكيل مرحبا بيك ياسمين: شكرا وسمحولي انا: زيدي تعشاي راه مجد لي طيبو ياسمين: (بفرح) بصح.. جلسات كتاكل وكتلدد شفتها كتشوف فمجد بطريقة فشكل بحال كتبغيه قررت ناخد الاحتياط ديالي منها سالينا وطلعتها لواحد البيت تنعس فيها ودخلت انا ومجد لبيتي مجد: حبيبتي ياكما تقلقتي حيت جات ياسمين لعندنا انا: لا احبيبي مجد: (زير عليا) نموت انا فحبيبتي الضريفة... بقينا كنهضرو حتى نعسنا صبح الصباح فقت بدلت حوايجي لبست غير بيجامة مافيا لي يمشي للشركة وهو يفيق حبيبي مجد دخل يدوش وانا نزلت كنوجد الفطور حتى عنقني من اللور انا: افف خلعتيني مجد: ممم بغيت نفطر انا: هانا كنوجدو صبر مجد: لا بغيت نفطر بيك نتي انا: ههههه حمق سير بعد مني دبا تنزل البنت يسحابليها كنديرو شي حاجة مجد: نتي مرااتي وانا رااجلك حتى واحد ماسوقو.. درت لعندو ودرت يدي على عنقو وتعليت لعندو وهو ساد عينيه بستو فحنكو وهو يحل عينيه جابلي الضحكة
