فقت الصباح لقيت ماما فايقة وكتشوف فيا وتبتسم انا: صباح الورد ماما: صباح النوور بنتي كيصبحتي انا:مزيان حمد الله ونتيي ماما: حيت نتي حدايا انا مزياان انا: الله يخليك ليا.. نضت دخلت توضيت وخرجت صليت لبست حوايجي ونزلت فطرت انا: ماما هانا غنمشي نجمع حوايجي ونجي ماما: وااخة ابنتي وحضي راسك انا: متخافييش.. بستها ومشيت وصلت للدار وطلعت نيشان لبيتي بديت كنجمع فحوايجي حتا جا مجد لعندي مجد: حبييتي اتخليني وتمشي انا: وانا نقدر مي راك عارف صافي خاصني نرجع مجد: وي عاارف مي متنساينيش انا: هههه ممم بغيت نتغداو انا وياك مجد: (بفرح) اه واخة انعاونك دبا فالجميع دالحوايج ومن بعد نخرجو انا: اوكيي.. بدينا كنجمعو الحوايج وهو مرة مرة كيخطف بوسة مني حتى كملنا لقيناها 12 وهبطنا الحوايج حطيتهم فالطموبيل وسديتها ومشيت مع مجد حتى نرجع لهنا وناخد طموبيلتي وصلنا للريسطو طلبنا داكشي لي بغينا انا: (شديت يديه) مجد كنبغييك مجد: (مصدوم وفرحان) واش بالصح انا: وييي كنحماق عليك حبيبي مجد: اححح اقلبي انا: هههههه مجد: عاوديها انا: ههههه لا دبا غناكلو وانا غنمشي فحالي.. كلينا وهو كولا دقيقة يقولي "انا كنبغيك ونتي" هههه.. سالينا وخرجنا ركبنا فطموبيل راجعين للدار ومجد شادلي يدي وصلنا جيت ننزل وهو يشدني باسني واندمجت معاه حسيت براسي طايرة مجد: كنحماق عليك انا: (عنقتو) كنموت علييك.. بقينا كنهدرو شويا عاد مشيت للدار دخلت لبيتي بديت كنستف حوايجي وعاوناتني ليليا.. دازو ايام وانا فوسط عائلتي رجعات فيا الروح حيت كنت كانحس براسي ميتة ودبا عندي حبيبي كيموت فيا.. اليوم كاينة حفلة فيها غير العائلة بمناسبة رجوعي مشيت انا وليليا وريم ومروى وجاكلين للصالون تقادينا وجاو دراري داونا ركبت مع مجد الطريق كاملة وهو كيتغزل فيا حتى وصلنا دازت الحفلة وااعرة كانو ولاد وبنات عمامي وخوالي اما خالتي مجاتش بقينا مجمعين وكنضحكو حتى لشي 12 دالليل وهوما يبداو يمشيو... كلشي مشا وبقينا غير حنا والدراري بقاو معانا دخلنا لداخل جا عندي ماكس قالي الهدرة لي قلبات كلشي مشيت بالجرى للحمام بديت كنغسل فوجهي باش نتكالما فهاد الاثناء دخل واحد الشخص شافوه وتصدمو....
