انا: مجد نوض تشطح متبقاش جالس بوحدك مجد: ونتي سوقك انا: (تصدمت) سمحلي رجعت عندهم وكنفكر مالو منكدبش عليكم تعصبت فاش هدر معايا هكاك.. بقيت كنشطح حتى عييت ورجعنا للدار طلعت دوشت وانا نعس فقت مع 10 لقيت ريان فوق راسي انا: مالك واقف فوق راسي ريان: ههههه نوضي مزال خاصنا نمشيو لبحر ومن موراها عندنا بزااف مايدار راكي عارفة انا: والله متمشي حتى نوريك شي يخطب وشي يضرب تمارة سير بعد مني زعما انا وحدة محجبة وداخل عندي ريان: راني خوك زعما انا: سير الله يخويلك الضراس.. نضت بديت كندفع فيه حتى خرجتو وهو كيموت بالضحك هزيت راسي لقيت مجد كيشوف وانا نسد الباب بالزربة... سير كيفما مشوهني يا ريان ولا بلاش مندعيش عليك حشومة... لبست كسيوة صيفية مع شال خفيف وصندالة.. نزلت فطرنا وهبطنا للبحر البنات كانو لابسين كسيوات قصار ومن لتحت المايو جاو كيوت.. جلست كنتشمش حتى وصلني ميساج حليتو لقيتو ديال الطبيب لي درت عندو الفحوصات بديت كنقرا وانا كنترعد.... *عند مجد* فاش شفت ليلى وريان معانقين معجبنيش الحال وفاش سمعتهوم خارجين غير بجوج تبعتهوم وشفتهوم داخلين لواحد المحل وكتختار فالخواتم وفرحانيين تعصبت وانا نمشي فحالي تمنيت كون كنت بلاصتو مي كيبقا صاحبي داكشي علاش سكت ومشيت هدرت معايا فالديسكو مي مديتهاش فيها بغيت نرقص معاها مي غير كنتفكرها فالمحل كتشوف الخواتم كيتقطع قلبي... وعاود الصباح كان خارج من بيتها كيموت بالضحك وهي شعرها طايح على وجها وكدفع فيه شافتني وسدات الباب جا ريان بغا يهدر معايا وانا ندخل للبيت سديت عليا مشيت دوشت بالما بارد على الله تطفا النار لي شاعلة فيا وقررت نمشي اليوم مجد: معاذ انا غنمشي هاد الصباح معاذ: علاش اصاحبي جلس معانا ياله جينا وعاد غنبداو العطلة ديالنا مجد: غير خليني نمشي معاذ: والله متمشي صافي حلفت وراه اليوم دايرين نخرجو فالعشية فواحد اليخت مي متقولهاش البنات خليها مفاجأة مجد: (تنهدت) اوكيي... هبطت تفطر كانت بحال الاميرة.. مشينا انا دخلت للبحر وهي بقات بوحدها جالسة بقيت حاضيها من بعيد حتى كنشوفها هزات تليفون وبحال مصدومة.. جيت نمشي عندها وانا نتفكر بلي هي كتبغي ريان وبقيت فبلاصتي حتى شفت ماكس مشا لعندها كانت كتهضر معاه وكتبكي معرفتش مالها شفت فريان لقيتو كيضحك مع ختها ليليا كنت غنمشي نضربو مخلي حبيبتو وجالس كيضحك هنا... *عند ليلى* قريت الميساج لقيت بلي خاصني ندير عملية وهو يوقف عليا ماكس عاودتلو اش كاين ماكس: شششش تهدني وياله معايا.. شدني من يدي وجرني حتى وصلنا للدار حيت مشينا للبحر لي قدام الدار... سمعيني دبا الطب تقدم وبزااف وان شاء الله غادي دوز مزيانة انا: هئ هئ خايفة من الموت ماكس: متخافيش حنا كاملين واقفين معاك انا: (شديت فيديه) مبغيت حتى واحد يعرف عفاك خليها بيناتنا ماكس: اوكي.. وكنفكر تعاودي الفحوصات فبلاصة خرى حيت بحال هادشي كيخصك تعاوديهم شحال من مرة عاد نديرو العملية.. تبغي نمشيو دبا انا: وااخة مي ماشي اليوم خلي تال الغدا حسن ماكس: اوكيي ياله ضحكي شوية انا: ميرسي انا غنوض دبا نخرج ونتا سير رجع ماكس: اوكي... مشا ماكس وانا طلعت لبيتي هزيت الحوايج لي غانلبس فالليل وركبت فطموبيلتي مشيت نقاد الامور لي مزال ناقصة... بقيت من هادي لهادي متغديت حتى 4 ديك الساعات كنت قاديت اليخت جا وااعر وشريت داكشي لي خاصنا ورجعت عيطولي الدراري قالولي البنات راهم كيوجدو راسهم gاع 6 يكونو هنا... مشيت عاودت اكدت على الناس على شي حوايج ومشيت دخلت اليخت دوشت بزربة ولبست الفستان ديالي وقاديت ميكياج بسيط... شوية هاهوما جاو شافوني تصدمو حيت مكانوش عارفين فين غيمشيو.....
