خرجنا من الصالون ومشينا ركبنا فطموبيلتي.. وصلنا لريسطو انا: ريم كيفما تافقنا بقاي هنا حتى نصيفطلك ميساج حيت معاذ معارفش بلي نتي هنا ريم: (بفرحة) اوكي غير عنداك تنسايني انا: ههههه متخافيش مغانساكش... دخلت للريسطو كان معاذ حاجز واحد جيهة فيها غير حنا غير شافني معاذ ناض كيجري هزني وعنقني معاذ: سمحيلي سمحيلي انا حمار.. انا: (سديتلو فمو) ششش نتا احسن اخ وكون مكنتيش معايا كون انا دبا ميتة ولا معرفت اش واقعلي معاذ: (حط راسو على راسي) نتي راكي بنتي ماشي غير ختي ومستاعد نضحي بأي حاجة على قبلك.. شوية شير بيديه وبدات اغنيتنا one direction-you and I بدينا كنرقصو حتى سالينا جلسنا وصيفط ميساج لريم قتليها 5 دقايق واجي كان مراد وريان معاذ: فين مجد ريان: راه مشا قاليك عندو شي شغل مهم نتا وليلى مكنتوش فهاد العالم ههههه انا: شكون مجد معاذ: صاحبنا كان قرا معايا انا وريان فليسي وبقات العلاقة مستمرة وخا هو مشا لفرنسا وكنت بغيت نعرفك بيه انا: اه اوكي مراد: دبا نتي لي رونتي العرس انا: احم اه مراد: هههه تبارك الله خاصك تخدمي معايا انا: لا لا اش شداني لشي صداع...شوية دخلت ريم وكان معاذ عاطيها بضهر خليتها تاقربت... امم معاذ اش غادير مع ريم معاذ: والله معرفت معنديش الوجه لي نشوف فيها انا: كتبغيها معاذ: واش هادا سؤال نتي عاارفني كنحماق عليها انا: دبا نفترضو كون كانت هنا اش غادير معاذ: غادي نعنقها ونقوليها كنواعدك منخليكش غير تبقا حدايا ريم: هئ هئ حتى انا كنبغيك ومنقدرش نخليك معاذ: (الفرحة مع الصدمة ناض عنقها) توحشتك حبيبتي توحشتك بزاف ريم: حتا اناااا انا: احم احم نحن هنا مراد وريان: ههههههههه... ريم حشمات اما سي معاذ بدا كيفرنس وهما يجلسو معاذ: اجي بعدا ماقلتيليش كيدرتي جيتي لهنا ريم: (كتشوف فيا) ليلى فاش جات لكندا عاوداتلي اش كاين و قاتلي بلي التحاليل الحقيقيين شنو فيهم مي معاوداتليش على الخطة وصيفطات علاء وحازم قادو داك السيدي حتا جينا للمغرب عاد قاتلي الخطة وراه كنت معاها فالاوطيل واليوم فاش عرفات غتلقاك جينا انا وياها وانا بقيت فالطموبيل حتى سيفطات ليا ميساج صافي معاذ: (ناض حنا عندي وباسلي راسي ويدي) كنحماق عليك يا احسن اخت واحن بنت شفتها فحياتي..
