انا: كتفطرو بلا بيا ريان: علاش بغيتينا نتسناوك الالة انا: هههه بااز اجي فين معاذ ريان: دبا عندك عطلة يعني غتمشي معايا للرباط وديك الساعات غيجي معاذ انا: ااه اوكي صافي نفطر ونوض نجمع حوايجي ريان: اوكي.. ليليا مالك ساكتة ياكما مبغيتيش نفطر معاكم ليليا: ا.. لا لا غير مالقيت مانقول.. بقينا كنفطرو وكنشوف ريان كيحاول يجبد الهدرة من ليليا ساليت وطلعت جمعت حوايجي ولبست وانا نزل انا: ياله نمشيو ريان: اوكي غانمشيو فطموبيلتي انا: نو نتا عارف بلي مانقدرش نتفارق على طموبيلتي ريان: وشنو دبا نرجع بوحدي انا: لا ليليا غتركب معاك ليليا: (توترت) لا لا نركب معاك نتي ريان: حنا ماشي فالمستوى ولا شنو ليليا: لا حشا غير مراد مغيعجبوش الحال انا: سكتو شوية ليليا مراد معندو مايديرليك غير سيري ركبي مع ريان حيت انا مزال مكنعرف نسوg مزيان ريان: (حابس الضحكة فهمني اش بغيت ندير) اه بصح ياله نمشيو حنا... مشاو ركبو انا بغيت نخليهم بوحدهم ياكما يقدر ريان يعترف ليها *عند ليليا* كنت راجعة من الكلية هادا عامي التاني فالطب بغيت نكون طبيبة اطفال.. المهم جا عندي مراد مراد: بغيت نهدر معاك فواحد الموضوع مهم انا: الله يسمعنا خير شنو واقع مراد: انمشيو دبا نجلسو فشي بلاصة عاد نهدرو انا: اوكي.. مشينا البحر وجلسنا فوق الصخور بلاصة خاوية... خويا شنو واقع علاش جينا لهنا مراد: هاد الهدرة لي بغيت نقوليك حتى واحد مخاصو يعرفها وبالخصوص بابا وماما.. وبغيتك تسمعني مزياان ومتقاطعنيش انا: اوكي غير هدر راك خلعتيني مراد: عقلتي على البنت المحجبة كانت فحفلة دراس السنة جات مع ريان صاحب معاذ انا: اه مالها مراد: عقلتي فاش وقعليها داك المشكل وهزها معاذ خرجها وجرا عليك نتي ومريم انا: اه مي معرفتش كيفاش كيعرفها وشنو وقعليها مراد: اوكي المهم فاش مشيتو حتا انا جرا عليا مي تخبعت وبقيت كنشوف اش واقع شفتو حيدليها الماسك كانت هي كتبكي وكتحاول تنفس محسيت براسي حتى لقيت راسي واقف قدامها ماتصوريش شكون شفت... لقيت ليلى انا: (بخوف) شكون ليلى مراد: ختك ليلى انا: هئ هئ اش كتخربق نتا واش عارف اش كاتقول مراد: ششش تهدني ليلى مزال حية انا: هئ هئ وفين كانت هاد المدة كاملة مراد: كانت مع معاذ.. داكشي علاش منزلش للمغرب وحتى كبرت عاد نزلو وخدالها دار فمكناس كتقرا تما انا: وعلاش خباها هئ هئ واش حماق ولا شنو مراد: دبا سمعي مزيان ومتقطعنيش (عاودليها كلشي) داكشي علاش معاذ مبغاش يرجعها للدار انا: دبا تديني عند ختي مراد: تهدني اليليا انا: غادي تديني ولا نمشي بوحدي مراد: صافي زيدي نمشيو... غاديين فالطريق كنحس بقلبي غيخرج من بلاصتو وصلنا لفاك قالي خويا بلي كتقرا هنا وهادا اخر نهار عندها ديال الامتحانات داكشي علاش قرر يقولي الحقيقة باش نحاول نرجعها تسكن معانا مي انا مغنديرش هادشي لي قال انا كرهت والديا حيت فرقوني على نصفي الثاني... بقينا جالسين حتى شفناها خارجة خرجت من الطموبيل بقيت كنشوف فيها شافتني وهي طيح فالارض كتبكي مشيت كنجري لعندها عنقتها وبقينا كنبكيو حتى جا مراد والباقي راكم عارفينو..
