انا: حياتي.. ودار عندي سامي وكان مع شي بنت زوينة عجباتني السكرتيرة: سمحلي اسيدي هي دخلات بوحدها سامي: غير سيري.. حبيبتي وباسلي راسي وشاف فجوري... حبيبة باباها جات لعندو للشركة خداها من عندي انا: سمحولي قاطعتكم البنت: لا مكاين حتى مشكل انا: (بفرح) نتي مغربية سامي: هههه وي هادي ماجدة خدامة معانا.. وهادي ليلى غادي تبدا غدا الخدمة انا: حلف.. وانا نطير عليه عنقتو... شكرااا فرحتيني سحابلي نسيتيني سامي: ههه وانا نقدر.. ماجدة: سمحولي نخليكوم دبا سامي: اوكي حتا لمن بعد ونكملو.. مشات البنت وخويا بقا متبعها بعينيه وانا جمعت يدي عندي وبقيت كنشوف فيه سامي: مالكي كتشوفي فيا هكا انا: واش كتعجبك ولا غير جابلي الله سامي: (توتر) اش كتخربقي نتي انا: عطيني بنتي وبغيت نقوليك بلي هي دبا سحابليها نتا مزوج بيا سامي: واايلي زعما يكون بالصح انا: ههههه نااري خويا طاح سامي: (ضربني لراسي) غير سكتي اصلا هي متقبلش بواحد عندو بنت انا: لا الى كانت كتبغيك غادي تقبلك كيفما نتا سامي: نتمنا ياله زيدي نخرجو انا: هههه اوكيي.. خرجنا ووقفات السكتيرة احتراما ليه وبدات كتخنزر فيا وشديتو فيدو بلعاني حسيت بيها غطرطق سامي: (حابس الضحكة) مالكي معاها انا: افف محملتهااش سامي: هههههه حمقة زيدي قدامي.. مشينا حتى خرجات ماجدة من الحمام وبقات كتشوف فيدينا وهو يحيد سامي يديه بالزربة وانا حابسة الضحكة هي حنات راسها وزادت انا: ههههه نااري صافي دبا تأكدت بلي حنا مزوجين وهادي بنتنا سامي: وعاجبك الحال نتي انا: هههه وصاافي غير نبدا الخدمة انقوليها حنا خوت.. وضحاااك سامي: ههههه مصطية والله انا: عاارفة ياله زيد ديني نااكل سامي: امري لله.. مشينا لواحد الريسطو كلينا وعمرت كرشي وخليتو واحل مع بنتو مرة ضربو للوجه مرة توسخو قاميجتو رجعات كاملة طبايع انا: (كنموت بالضحك) هههههه ناري كيف رجعتي عطيني البنت سامي: ضحكي نتي لي جات معاك جلستي كتاكلي وخليتيني واحل معاها انا: (خديت جوري) ههههه ياله زيد نمشيو للدار تبدل هاد الحالة عاد سير لخدمتك حشومة تشوفك حبيبة القلب هكا.. خنزر فيا وانا نسكت مشينا للدار بدل حوايجو ومشا انا طلعت لبيتي تكيت حتى العشية عاد جا مكيبغيش يتعطل بزاف بقينا مجمعين حتا نعسات جوري على صدرو وهزها طلعها لبيتها وطلعت نعست باش غدا نقدر نفيق.. صبح الصباح ولبست حوايجي (الصورة) ولبست حبيبتي جوري هبطنا فطرنا ومشينا للشركة مزال ملقا سامي شي مربية وغانبقا نديها معايا حتى نلقاوها وصلنا وهزيت جوري وهو هز الكرسي ديالها طلعنا وكلشي كيشوف فينا دخلت للمكتب ديالي عجبني الديكور حطيت جوري فالكرسي ديالها وعنقت ساميي انا: شكراا حياتي عجبني البيرو سامي: الحمد لله ياله انا غادي الى حتاجيتي شي حاجة ميساج نكون عندك انا: وااخة.. مشا وبقيت جالسة شادا واحد دوسي سيفطولي مع السكرتيرة حتى وصلات الوقيتة ديال الغدا جا عندي سامي وهز جوري ومشينا تغدينا كنا راجعين وحنا نتلقاو ماجدة سلمات علينا ومشات.. دازت 2سيمانات حتى لواحد النهار كنت غادا لمكتب سامي ولقيت حتى ماجدة هازا شي وراق دياهم ليه بتاسمات فوجهي ومشينا بجوج مالقيتش ديك العوجة تما ومشيت حليت الباب لقيت السكرتيرة كتحاول تقرب من سامي وهو مدايهاش فيها شافتني دخلت وهي تغفلو باستو هز يديه صرفقها عجبني الحال فاش ضربها خرجات كتبكي انا: ههههه احح تقسحت بلاصتها سامي: حمقة اش بغيتي انا: (غمزتو) توحشتك حبيبي سامي: (خنزر فيا) ليلى انا: صافي انا غادا.. مشيت وخليتهم خرجت لقيت هاديك كتجمع حوايجها غمزتها ومشيت دخلت هزيت حبيبتي وبقيت كنضحك معاها حتى دخلات عندي ماجدة ماجدة: نقدر نهدر معاك انا: وي مرحبا ماجدة: بغيت غير نشوف واش مقلقة انا: علاش غنتقلق ماجدة: حيت شفتي راجلك مع هاديك انا: هههههههه شكون راجلي واش كتقصدي سامي ماجدة: اه انا: هههه هدااك راه خويا ماجدة: (بفرح) واش بالصح وهادي بنتو ولا بنتك انا: نو هادي بنتو مرتو ماتت فاش ولداتها وانا لي ربيتها ماجدة: (بحزن) اه مسكينة انا: المكتاب ماماها كانت مريضة ومكناش عارفين حتى ماتت الله يرحمها ماجدة: الله يرحمها.. نقدر نهزها انا: (بفرح) وي هاهيا
