*عند ليلى* انا: واااع فيا الجوع واش مغتعشيونيش معاذ: وانا نقدر نخلي حبيبتي بجوع انا: اهيا راها حبيبتك حداك بعد مني دبا يسمعك شي حد وضيعلي رزقي (شفت فيهم لقيتهم بثلاثة مخنزرين) هيهيهيهي (ضحكة صفرة) غيير كنضحك تبقا تقولي حتى مراتي معنديش مشكلة معاذ: (حابس الضحكة) اوى هكاك مراد: (مزال مخنزر) انسمع شي حاجة ماشي هيا هاديك غادي نتفاهم معاك ريان: بعدو منها حبيبتي اش بغيتي تاكلي انا: (شفت مراد خنزر فريان) احم مراد مالك راه ريان بحال خويا ريان: (شاف فيه لقاه مخنزر) امالنا اصاحبي راه ختي هادي معاذ: هههههههههه مرااد تكالما اصاحبي ومتنساش بلي ريان هو اول واحد لقاها واعتنى بها اوكي انا: اففف بغيت نااكل راه مزال تابعني السفر غدا خاصني نعس بكري كاملين فدقة: فين غادية انا: مالكم الناس راه بداو القراية وانا جالسة هنا مقابلاكم مراد: وفين ساكنة انا: معاذ وريان خداولي واحد الدار ومعايا واحد البنت هي وراجلها جالسين معايا مراد: اه مزيان حتى تصيفطيلي العنوان معاذ: بعد من البنت ونتا دايريلها التحقيق راه عاشت تقريبا 3سنين فمكناس بوحدها وانا عارف ختي مزيان وداير فيها التيقة مراد: حتى انا تايق فيها غير خفت عليها وصافي... تعشينا ومشيت انا وريان ومراد خلينا الاحباب بوحدهم وصلت للدار مشيت دوشت ونعست... صبح الصباح توضيت وصليت لبست حوايجي (الصورة) وهبطت نفطر لقيت ريان ومعاذ ومراد انا: يا ربي سلامة مالكم مجموعين ريان: كنخططو للقتل ديالك انا: كنت عارفة مفيكم تيقة معاذ: يااك كتشكي فحبيبك انا: هههه وانا نقدر... فطرنا فجو ديال الضحك ومراد كيوصي فيا صافي سالينا توادعت معاهم وشديت الطريق لمكناس توحشت كوثر وشيماء.. وصلت للدار بدلت حوايجي ونزلت تغديت عيطت البنات وخرجت نتلقاهم
