بقيت جالسة فالبيت مقديتش نخرج حتى سمعت شي حد كيحل الباب وانا نتغطى درت راسي ناعسة ريان: ليلى نوضي راه افيشاو النتائج انا: (طرت من بلاصتي) ويلي بصح انا غادا ريان: (شدني من ودني) كبرتيي ورجعتي كتمشي لديسكو أأأ انا: هئ هئ بعد مني راه هوما لي داوني بزز عليا (الله اسمح لي) ريان: اييه بعدا انا مبانتليش بلي كنتي غادا بزز منك حيت داك اللباس ومقادا الحالة ماشي ديال شي وحدة غادا بزز منها انا: هههه ياك بعدا انا تزيزة ريان: هاا شفتي حصلتي ياله قولي علاش مشيتي انا: (بوجه بريء) دبا ماكس عيطلي قاليا نفوجو ونحتافلو على قبل الباك واليوم غادي يعلقو ريان: كتحتافلي قبل ماتعرفي اش درتي انا: وراني عارفة راسي غنجح ريان: تاايقة فراسك انا: ههه وي واش دبا تعلقو ريان: نو مزال غير كدبت باش تنوضي بزربة انا: يااك.. ممم فين معاذ ريان: بلا ماتسولي عواال عليك شتي انا جبدتليك غير ودنيك وبديتي دمعي مي صبري فاش يفيق معاذ غادي تشوفي ما كثر انا: ياك انا ختك وحبيبتك غادي تحامي عليا ياك ريان: هههههه كتولي ضريفة معايا فاش كتوحلي.. نو حبيبتي انا ماشي شغلي بينك وبينو انا: بعد مني تفو عليك.. شويا دخل معاذ وانا نتخبع مور ريان معاذ: (حابس الضحكة) ليلى اجي لهنا انا: هئ هئ والله مادرت شي حاجة خايبة راه غير شطحنا شوية ورجعنا ريان: (كيغمز معاذ) ياك عاد قلتيلي خلاوك تشربي داكشي يمكن علاش سخفتي انا: اويلي والله ماقتلو شي حاجة وماشربت والو راه كيكدب عليك معاذ: دبا بلا كثرة الهدرة اجي لهنا ريان: (جبدها من موراه و كيدفعها جيهة معاذ) هانتا اخويا شوف كيدايرا حالتها بالماكياج دبا هادي قد ديسكو انا: هئ هئ بعد مني شوف معاذ اخر مرة والله منعاود معاذ: لا غير عاوديها وكعقاب هاد سيمانة كاملة نتي لي غطيبي وتجمعي الدار ريان: الله على راحة لقيتيني كنفكر فشي عقاب مي هادا احسن واحد بعدا نرتاحو شويا ياله سيري وجدي الفطور انا: لا حرام عليكم هئ هئ تفو عليكم بجوج.. خرجو من بيتي.. خرجو وانا دخلت دوشت غادي نطرطق بالفقصة توضيت خرجت صليت..
