شفت العدول بدا يهدر وانا نشد الميكرفون انا: تست تست كتسمعوني ههههه (كنشوفهم كيدورو وجههم يشوفو شكون كيهدر) بلا ماتبقاو تقلبو عليا غيير سمعوني سي العدول الى بغيتي غاسير راه مكاين حتى زواج هاد الساعة... ريم صيفطات ميساج لحازم باش يمشي يعطيه الوراق ديال التحاليل دياولو تسنيتو حتى قراهم حسيت بيه فرح... كيجاك داكشي اسي معاذ فشكل ياك ههههه اوى دبا نتمنا ليكم فرجة سعيدة وطلقتليهم السيدي فالتلفازات لي كاينين تما (هاد السيدي فيه مريم مع واحد كيتافقو على الفلوس باش تمشي تنعس معاه هداك السيد هو علاء صديقي مي مبينتش وجهو وفيه تصاور وهي كل مرة معنقة واحد ولا بايسة واحد) انا بقيت كنشوف فيهم مريم بدات تبكي مي فاش شفت ماماها طاحت سخفات فرحت بزااف حيت هاديك اكثر وحدة كنكرها معاذ ناض سرفقها وخرج وانا وريم خارجين كنجريو باش ميشفوناش حتى لمحت عاوتاني بحال دكتور مجد نااري اش وقعلي وانا غير نتخايل فيه.. المهم لقيت ريان كيتسنا فينا ركبنا انا وريم وزدنا طريق كاملة وانا كنبتسم حسيت بلي رضيت ليهم شوية دالصرف... ريان داير فيها مقلق حيت معاودتلوش شنو كاين مي غدا ينسى كلشي وصلنا للدار طلعنا انا وريم بالفرحة دخلنا دوشنا بجوج انا: هاي هااي على لالة ريم وخيير هادا سعدات خويا ريم: (ضرباتني) سكتي كوني تحشمي شوية انا: هاء اماالكي كديري فيها العفيفة راني عااارفك كتسناي غير فوقاش تزوجي ريم: الصرااحة ويي اختي راني كنبغيييه انا: صافي صافي نوضي تgعدي خرجي من الدوش ريم: ياكي كتجري على مراة خوك انا: اوى راه كيقولو اللوسة سوسة ريم: باااز اختي لوجهك... خرجنا لبست بيجامتي وعطيت لريم وحدة وتعانقنا وبدينا كنتناقشو ونخططو للعرس ديالها هي ومعاذ هههه حتى نعسنا.. صبح نهار جديد فقنا توضينا وصلينا هبطت وجدت الفطور فطرنا وتصالحت مع حبيبي ريان هو خرج مشا الخدمة وتبعاتو ريم مشات لدارها وانا طلعت كنجمع فحوايجي باش غدا نهبط لمكناس ناس بداو القراية هادي سيمانة وانا جالسة... شوية عيطلي ريان قاليا انتعشاو مجموعين وحتى معاذ كاين عيطت لريم ديك الساعات قلتهليها تافقنا مور الغدا نخرجو نشريو منلبسو.. انا ساليت جميع فالباليزة حطيتها دخلت دوشت ولبست حوايجي خرجت تلاقينا وبدينا كندورو شرينا داكشي لي عجبنا ودزنا الكوافورة درت مكياج خفييف انا وريم تحت شعار البساطة اجمل لبست حوليجي تما (الصورة) وخرجنا مشينا للريسطو
