مجد: هئ هئ عفاكي متخلينيش انا كنحمااق عليك ومنقدرش نعيش بلا بيك... ميمكنش نكون هدرت عليك نتي راكي روحي ويلا كنتي سمعتي الحديث لي دار بيني انا وياسمين كامل غادي تفهمي مي بانلي مشيتي قبل منهدر انا فلاش باك ياسمين: ياك قلتيلي بلي هي مغتاصبة مجد: (باستغراب) فوقاش قلتهاليك ياسمين: (شافت ليلى لقاتها دخلات) هادي كتر من 3سنين فاش ياله رجعتي من المغرب كنا انا وياك فالبار وسكرتي ونتا تقولي علاش انا مزال كنبغيها وهي خانتني واخة مغتاصبة مديتهاش فهادشي حيت هي لي كتهمني وبغيت نبقا معاها حياتي كاملة مجد: (تعصب) ياسمين ماشي شغلك فهادشي الى مشات سمعاتك ليلى غادي تقلق وانا كنحمد الله حيت عطاتني فرصة ومبغيتش نخسرها مرة اخرى ياسمين: سمحلي ومتخافش مغانقوليها والو مجد: اوكي.. مشا وخلاها دايرة ابتسامة انتصار بالاخص فاش طلات على ليلى فالطواليط ولقاتها كتبكي..... الحاضر مجد: انا عارف بلي هادشي لي درت غلط مي نتي قلبك كبير غادي تسمحيلي... تكا على يديها وهي تنزل من عينيها دمعة حيت سمعاتو... صبح الصباح فاق ولقاها فايقة كتشوف فالسقف ودموعها نازلين مد يديه يمسحليها وهي تبعد منو جمع يديه وحدر راسو وناض خرج وصا الفرملية تجيبليها الفطور ومشا هو للدار بدل حوايجو وهز حوايجها دارهم فصاك ورجع لعندها دخل لقاها كتحاول توقف حط الصاك ومشا لعندها غير حط يدو عليها وهي تبعد بالزربة وبقات غادا للطواليط مسندة بالحيط خرج عيط للفرملية تدخل تعاونها فلباس.. لبسات ودخل هزها عيات متبعد مي حكمها وهي تستسلم داها دخلها للطموبيل ومشاو فصمت حتى واحد مكيهدر هو كيسوg ومرة مرة كيشوف فيها وكيشوف دموعها لي نازلين ومع كل دمعة قلبو كيتحرق وكيسب فراسو داز الفرماسيان شرا الدوا وكمل طريقو للدار وصلو حلات الباب ونزلات كتمشى بشوية وحتى هو محاولش يقربليها حل ليها الباب دخلات وطلعات فالدروج غير بشوية مي غير وصلات للبيت كان الباب محلول وشافت الدم فوق الناموسية طاحت للارض وبقات كتبكي سمعها وطلع كيجري شاف داكشي وبداو دموعو كينزلو قربليها بقات كضرب فيه وتغوت حتى سخفات مجد: (مخلوع) ليلى ليلى.. ناض هزها ودخلها البيت اخر قلبها لقا الضغط نزليها دارليها ابرة وغطاها وهو يخرج مشا للبيت جمع داكشي كامل ونقا البيت وهز حوايجها ردهوم لداك البيت هبط لتحت وجد الغدا وطلعوليها لقاها ياله فاقت مجد: احم ليلى هانا وجدتليك الغدا انا: الصمت مجد: (بقا كيشوف حتا عيا وهو يحطو حدايا) هاهو نتمنا تاكلي شويا وتشربي الدوا ديالك.. خرج وانا بديت كنبكي والحريق فيا اضطريت ناكل شوية باش نشرب المسكن وداكشي لي كان ونعست... هكا دازت 2سيمانات رجعت بخير والطبايع لي كانو فيا تحيدو مي ماعمري ماهدرت معاه كيجي يبقا يهدر ويعتادر حتى كيعيا ويمشي 2سيمانات مانطقت بكلمة.. نزلت نفطر لقيت كيف العادة الفطور واجد ومجد جالس كيلعب فالماكلة شافني وهو يحدر راسو جلست كناكل فصمت مجد: احم ليلى راه عيطاتلي ماجدة وقاليك غادي يجيو يتغداو معانا انا: الصمت ونضت مشيت للكوزينة جبدت كنوجد الغدا ساليت مع ديك 12 وطلعت بدلت حوايجي سمعتهوم جاو وانا نزل سامي: اهلا مجد فين ليلى مجد: (مخلوع خايف يعرف خوها يديها معاه) اه هاهيا جايا انا: مرحبا بيكوم.. مجد دار مصدوم راه 2 سيمانات مسمعش صوتها سامي: (جا عنقها) توحشتك حبيبتي انا: (حابسة البكية) حتى انا ماجدة: (عنقاتني) هاي هاي الناس زيانو ههه انا: (بابتسامة) زيدو دخلو جوري: ماما انا: (هزيتها وعنقتها) توحشتك ماقديتش نحبس دموعي وبديت كنبكي بقاو كيشوفو فيا شفت فمجد لقيت عينيه كيبريو بالدموع سامي: هههه حمقة علاش كتبكي انا: توحشتها بزاف عفاك اخويا خليها عندي شوية سامي: لا نتوما ياله تزوجتو مجد: نو غيير خليها مكتشوفش شحال توحشاتها سامي: واخة الالة وفالعشية ندوز نجيبليك حوايجها انا: اوكي.. جوري حبيبتي اجي معايا نحطو الغدا جوري: واحة (واخة) انا: هههههه وا هدرة عندك.. شفت مجد لقيتو كيبتاسم وانا نجمع الضحكة... هادشي داز قدام عينين سامي فهم بلي كاينة شي حاجة.. مشيت انا وجوري كنحط الغدا وهي كدور مابين رجلي وكتخربق فالهدرة جا مجد ولقاها كضحك مع جوري لي لاصقاليها فرجليها وبدا كيضحك حتا هو مجد: ليلى نعاونك انا: هز هاد الطباسل حطهوم مجد: (بفرح) اه واخة.. عاونها حطات الغدا وتجمعو على الطابلة وجوري جالسة على رجلين ليلى كتوكلها وكيهدرو ويضحكو وفوقما جات الفرصة لمجد كيهدر مع ليلى لي كتجاوبو سالاو الغدا وتعاونت انا وماجدة فجميع الطبلة حطيت شي حلاوي كانو فالكوزينة والعصير خرجناهم للجردة فين كان سامي ومجد جالسين وجوري كتلعب.. بقينا مجمعين حتى للعشية وناضو مشاو انا جمعت ديك الروينة وطلعت لبيتي مع جوري لبست بيجامتي ودرت حجابي وهبطنا للجردة كنلعب انا وجوري حتى جا مجد كيلعب حتا هو.. شوية سمعت الدقان مشيت حليت لقيت سامي جايب الصاك ديال جوري سامي: ليلى بغيت نسولك ونتمنا متكدبيش عليا
