'خويا وحبيبي ريان فاش اتكون كتقرا هاد الرسالة غادي نكون انا مشيت عند الله بغيت نقوليك متقلقش مني وسمحلي مي نتا عارف ليليا راه نصفي التاني الى وقعت ليها شي حاجة انا راه غنموت وعارفاك غادي تحميها وتكون بجنبها داكشي علاش فاش غانمشي عند الله غادي نكون مرتاحة حيت خليتها فأيدي امينة ومعاها رااجل ونص.. ريان بغيتك تحبس الزواج ديال معاذ ماتخليهش يتزوج بديك الموسخة.. كنت كنتمنى نعيش مع ليليا ومراد ساعة ممكتابش للاسف.. قول لمعاذ انا مسامحاه على داكشي لي قال وانا كنبغيه وغنبقا كنبغيه وقف معاه وساندو بعضياتكم راكم خوت مبغيتش شي حاجة تفرقكوم.. كنبغيكم ليلى" ريان ومعاذ: بقاو دموعهم نازلين اما مراد مزال مصدوم مراد: واش ممكن تشرحولي شنو واقع معاذ بقا كيشوف فريان وقررو يعاودولو... عاودولو كلشي من نهار لقاها ريان حتى لهاد النهار مراد بقا كيبكي وبقا فيه الحال فاش دفعها وقاليها ختي ماتت شدو الطريق لعندها لقاوها ناعسة بقاو جالسين حداها ومراد بقا شادليها يديها حتى الصباح فقت كلي مدكدكة حليت عيني لقيت كلشي حدايا ناعس ومراد ناعسلي على يدي عجبني الحال.. شوية فاقو مراد: كيبقيتي اختي انا: هئ هئ مراد: (عنقني) ششش من اليوم مبقيتش باغي نشوفك كتبكي فاش غتخرجي من الكلينيك انمشيو للدار انا: (كنشوف فمعاذ) معاذ: هاد القرار ديال ليلى هي ليغاتقول فوقاش تمشي للدار مراد: كنظن تخبات كثر من اللازم باركة اولا اليلى انا: نو مغاديش نمشي لديك الدار انا غانمشي مع البنات وماكس لكندا معاذ: علاش بغيتي تمشي انا: بغيت نرتاح شوية مغاديش نطول حيت اصلا راني قارية مراد: اوكي سيري وفاش ترجعي اتلقاينا قدينا المسائل ديال القرايا ترجعي تقراي هنا انا: فاش غنرجع غنمشي لمكناس نكمل قرايتي وبلا ماتحلم انني غادي نمشي عند والديك هادي اخر حاجة كنفكر فيها مراد تعصب وخرج انا بقيت داك النهار كامل فالكلينيك كنحس بمعاذ كيحاول يقولي شي حاجة مي مكيقدرش... دوزت يومين فالكلينيك واليوما غنمشي لكندا محتاجة نرتاح شوية عاوناتني مروى نلبس وريان جابلي الحوايج ديالي ومشينا لمطار سلمت على ريان ومعاذ معاذ: تهلاي فراسك ومطوليش انا: سيمانة ونرجع ان شاء الله ريان: غنتوحشك حبيبتي انا: حتى انا ياله بسلامة.. ركبت فالطيارة حدا مروى وجاكلين حدا ماكس وصلنا فليل مشيت للدار نيشان نعست..
