انا: (قاديت الفولار بزربة) مجد بغيتي شي حاجة مجد: كنت بغيت نهدر معاك انا: وي هانا كنسمعك مجد: بغيت نعرف شنو وقعليك فالصباح انا: احم موقع والو غير سوء تفاهم وصافي مجد: (قرب لعندي وشد يدي) كنتمنا تحيدي هاد المسافة لي دايرة بيناتنا انا: (توترت) ا.. كيفاش مجد: والو تصبحي على خير.. باسلي راسي وخرج حسيت بقلبي غيخرج من بلاصتو جلست كنفكر فشنو كيقصد زعما نكون كنعجبو لا لا ميمكنش... نضت لبست بيجامتي ونعست حتى للصباح فقت لقيت البنات حدايا.. دخلت دوش رتاحييت فيه حيت مزال تبعانة طريق طويلة خرجت لقيت البنات فاقو وحتا هما دخلو يدوشو انا نشفت شعري ولبست حوايجي.. خرجت مشيت عند ريان ومروى فيقتهوم ومشيت لبيت مجد ترددت باش ندق عليه.. شوية دقيت ووالو قلت ياكما مزال ناعس حليت الباب غير دخلت وهو يخرج من الحمام لاوي عليه غير الفوطة ناري تلفت جيت نخرج بزربة وانا ندخل فالماريو حتى حسيت بنيفي عواج انا: اييي مجد: (جا بزربة) اري نشوف.. بقا كيشوف وانا كنشوف فشعرو لي كيقطر وفصدرو افف شوية ونغتاصبو.. شوية لقيتو كيشوف فيا بطريقة فشكل انا: احم شنو... محسيت حتى الشفتين ديالو تحطو على دياولي وبدا كيبوس بحنان وحب فلول تصدمت مي فلخر اندمجت وخا هادي اول مرة.. شوية دازت قدامي صورة ديال سامي فاش كيحاول يبوسني بعدت بزربة مجد: ليلى سمحيلي ماقصدتش انا: هئ هئ مجد: (ندم حيت تسرع) سمحيلي عفاك.. دبا علاش كتبكي انا: سمحلي.. وخرجت كنجري مشيت دخلت للحمام غسلت وجهي.. جاني احساس فشكل وعجبني الحال مي غيير شوية.. بقيت حتى رتاحيت ونزلت لقيت كلشي جا بديت كنقلب بعيني عليه حتى لقيتو واقف بعيد وكيشوف فيا انا دورت وجهي بزربة ريان: ياله كلشي واجد معاذ: ويي انا: مروى نتي ركبي مع مراد (عجبهوم الحال بجوج واخة مبينوش) البنات (كوثر وشيماء) نتوما باين معامن غتركبو ههههه الكل: هههههههه انا: ليليا سيري نتي مع ريان معاذ: ونتي معامن غتمشي انا: انمشي فطموبيلتي متنساش بلي غندوزو للمطار هو اللول عاد نكملو طريقنا ريان: اه وي نسيت ماكس اليوما غيجي انا: هههه وييي معاذ: اوكي غير بشوية عليك فالطريق انا: متخافش.. ركبت كوثر مع علاء، شيماء مع حازم، مروى مع مراد، ريم مع معاذ، ليليا مع ريان، ومجد بوحدو وانا بوحدي.. تحركنا بقينا غاديين واحد مور واحد حتى وصلنا للمطار لقيت ماكس وجاكلين وصلو مشيت كنجري عنقتهوم جاكلين: توحشتكك بزااف انا: حتى انا والله.. شي وحدين نساوني (درت راسي غضبانة) ماكس: (عنقني) وانا نقدر نساك علاش شحال عندي من ليلى غير قولي انا: هههه وحييدة.. درت لقيت مجد كيخنزر عجبني الحال ههههه زعما يكون كيغير لا لا انا بصح حماقيت اشمن غيرة باسك بوسة وحدة رديتيه كيبغيك.. مشينا ركب معايا ماكس وجاكلين ومع بثلاثة حمااق جهدنا الموسيقى وعطيناها للضحك والشطيح...
