صبح الصباح فقت توضيت صليت صلاتي ودعيت الله يوقف معايا ومع ختي لبست وجمعت حوايجي خرجت خلصت الاوطيل حطيت الساك فالطموبيل ومشيت وصلت مشيت نيشان عند الطبيب انا: سلام ياكما تعطلت الطبيب: لا من هنا ساعة غانديرو العملية انا: اوكي.. عفاك هاك هاد الرسالة فحالة مت بغيتك تعطيها لواحد سميتو ريان كاين مع العائلة هو: اوكي مي مغيكون غير الخير ان شاء الله (حطها فالمجر) مشيت مع الفرملية لبست ديك اللبسة دالمرضى ودخلت لغرفة العمليات حسيت بخوف مي فاش شفت ختي ناعسة نسيت كلشي ومشيت جيهتها انا: هئ هئ ختي كون تعرفي شحال توحشتك بقيت كنبوس فيها وعنقتها.. ان شاء الله غادي تبراي وترجعي لحياتك غاندير المستحيل على قبلك.. كنبغيييك بستها بوسة طويييلة كانها قبلة وداع مشيت نعست بلاصتي دارولي البنج بقيت كنشوف فيها حتى غيبت *في غرفة العمليات* الفرملية: نبض ديال المتبرعة كينخفض الطبيب: (بقلق) حاولي تقاديه حنا قربنا نساليو... سلاو ليليا نجحات ليها العملية دبا خاص يتسناو الجسم ديالها واش غايتقبلها ولالا اما ليلى فنبضات ديال قلبها بدات كتنخفض حتى حبسات كلشي مخلوع بداو كيديرولها فالصعقات الكهربائية حتى فقدو الامل شوية ورجعليها النبض وخا ضعيف مي المهم رجع حطوها فالعناية المشددة بعيدة على ليليا باش ميشفوهاش العائلة هادشي تحت الطلب ديال الطبيب و وصا ناس لي كانو معاه فالعملية باش حتى واحد ميعرف شكون تبرع... بعد مرور ثلاثة ايام جسم ليليا تقبل الكلية واليوم غاتخرج من الكلينيك كلشي فرحان الا هي معرفتش علاش وتذكرات بحال الى سمعات ختها قاتليها توحشتك وباستها... نمشيو عند ليلى لي مزال ناعسة وحالتها مكتبشرش بالخير حتى الليل عاد فاقت جا الطبيب عاينها خلاها فالعناية المشددة حيت حالتها مزال مستقرات من بعد مرور سيمانة ليلى برات شوية واليوم غاتخرج عاوناتها الفرملية تلبس حتى واحد مكان بجنبها جاتها البكية مي قوات راسها وحمدات الله حيت ختها مزال فالحياة مشات ركبات فطموبيلتها هزات تيليفونها شعلاتو لقاتو غيطرطق بليزابيل ديال ريان ومعاذ عيطت لسناء هي لولا انا: الو سناء: ختي كيدايرة شوشتيني عليك غبرتي انا: مزيان حمد لله.. شنو وقع فغيابي سناء: راه عيطلي قتلو راها سادة عليها فبيتها مبغاتش تهدر معايا قالي قوليلها راه خرجنا ختها من الكلينيك وراه غير يسالي شي خدمة ويجي لعندك انا: اوكي هنا غادا عندو دبا صافي هي: واخة بسلامة.. دوزت نمرتو انا: الو ريان: واخييرا تفكرتي بلي عندك واحد خوك خايف عليك انا: متخافش انا بخير غير كنت بغيت نبقى بوحدي هو: وي راني عارف داكشي علاش مصدعتكش انا: انا دبا ياله دخلت للرباط هانا جايا للدار اوكي هو: اوكي ياك عندك سوارت حيت انا مزال فالشركة انا: وي عندي حتى الليل ونتلقاو
