انا: هااي ريم: اهلا على السلامة فين هاد التعطيلة انا: راه اليوم كانت نوبتي فالطياب و جميع ديال الدار ريم: ااه و ماشي مشكل يلاه زيدي ندخلو دخلنا و بدينا فالرقصات صراحة هادي احسن حاجة وقعاتلي بعد المرات كانقول الحمد لله حيت وقعلي هادشي حيت بابا مستحيل اخليني ندير الرقص مي معاذ كان كيحاول اعوضني على كلشي و اي حاجة كنت كنتمناها حققهالي و حتى ليمطاحليش فالبال دارولي و بدون منسى ريان لي حتى هو كان كايديرلي الخاطر و اي حاجة بغيتها كيديرها بحال فاش كملت 15 عام صاوبلي واحد البيت فالدار ردو صالة للرقص كنت غنتسطى بالفرحة واخة صغير مي جا واعر فوقما كانكون مقلقة كاندخل نخدم الموسيقى ونبدا كنحس براسي طايرة كنسى الناس و الهموم... ساليت وانا نمشي عوتاني للصال ديال الملاكمة واخا خويا رفض مي بقيت عليه حتى قنعتو دبا هادي عامين وانا كنمارس هاد الرياضة.. انا عوالة نتاقم منو مزال مانسيت مزال عاقلة على كل شي و حتى من هاديك خالتي غادي ندوقها المرار مغانبقاش حياتي كاملة مخبعة اما بالنسبة لبابا فاكبر انتقام نقدر ندير انه يشوفني حية و مايقدرش يعنقني ولا يهدر معايا و حتى من ماما نفس الشي انا عائلتي دبا هي ريان و معاذ ويلا كتاب حتى خويا مراد و نصفي الثاني ليليا يعرفو الحقيقة و يقبلوني مرة اخرى بيناتهم.... *عند ليليا* دازت 5 سنين على فراق توأمي و نصفي الثاني لكن مقدرتش نساها و متيقتش بلي بصح ماتت ياك كايقولو بلي التوام كيحسو ببعضياتهم فاش قالولي ختك ماتت بكيت و غوتت قتليهم لا كون وقعاتليها شي حاجة كون انا اول وحدة حسيت بها مي مداوهاش فهدرتي بابا و ماما تبدلات المعاملة ديالهم بزااف رجعو اي حاجة كنقوليهم بغيتها كيجيبوهالي يمكن حيت مشات ختي حاولو يتبدلو خاصة بابا حيت صعيب وهدرتو مطيحش فالارض.. واحد النهار بالضحك قتليهم بغيت نسافر مع صاحبتي كانت ديك الساعات عندي 16 عام يعني العام ليفات و وافقو تصدمت بالاخص من بابا حيت واخة غني مزال متشبت بالعادات و التقاليد وان البنت مخاصهاش تبات برة ومتعطلش فالزنقا.. صاحبتي اولا صاحبتنا انا وختي سميتها نهال كانت مسافرة مع باباها و ماماها غير هيا ليعندهوم وحيدة وراني رجعت بحالها خويا معاذ منين سمع ليلى ماتت معاود رجع جا مرة وحدة دوز شي سيمانة وكان معصب محامل يهدر مع حتا واحد ومن تما فاش مشا معاود رجع خويا مراد صعيب و دبا زاد صعاب فاش دخل للاستخبارات مبقاش كيخليني نخرج بزاف و بعد المرات كنلقاه حدا ليسي داير فيها بوديكارد..
