رجعنا عند الكليكة بقينا نهار كامل مع بعضياتنا عاطيينها للضحك مشينا لصال دالرقص مخلاونيش نتحرك حيت عرفو بلي عاد درت عملية.. رجعت للدار فالليل دوشت وصليت وانا نعس..فقت مع 7 توضيت صليت صلاتي ولبست حوايجي (الصورة) هزيت لباليزة ديالي ومشيت لمطار من بعد ساعات وصلت تغديت ومشيت نيشان الكلينيك سولت على المكتب ديالو دقيت ودخلت عندو بباليزتي هههه الحوار بالفرنسية: انا: بونجور دكتور مجد مجد: بونجور تفضلي انا: انا ليلى الادريسي كان خدالي دكتور جاك موعد عندك مجد: وي عارف... مي قبل واش نتي مغربية انا: وي مجد: اووه بنت بلادي انا: هههه حتى نتا مغربي متشرفين مجد: ليا الشرف.. المهم دبا غتجي الفرملية تديك الغرفة ديالك باش توجدي ومن هنا ساعة نديرو شي فحوصات اولية ونشوفو اوكي واش جا معاك شي حد ماماك ولا باباك انا: (حابسة الدموع) نو جيت بوحدي فيناهيا الفرملية مجد: (بقا كيشوف فيها) اوكي هاني نعيط ليها... جات الفرملية داتني لبيت دخلت الطواليط توضيت وبدلت خرجت صليت صلاتي ساليت وانا نلقا دكتور مجد انا: احم مجد: الله يتقبل انا: امين مجد: هاني غادي لقاعة الفحوصات لبسي هاد الحوايج وغنصيفطلك الفرملية تجيبك انا: اوكي.. لبست جات عندي الفرملية مشينا درت دوك الفحوصات عييت وصلاتني الفرملية البيت نعست نيشان مافقت غير على تيليفوني كيصوني لقيت معاذ معاذ: ليلى من قبيلة وانا كنصوني علاش مكاتجاوبيش انا: شنو بغيتي (حيت الحد الان مزال مقلقة منو فاش قالي ديك الهدرة) معاذ: عفاكي سمحيلي نتي عارفة بلي عزيزة عليا انا: هئ هئ انا معارفة والو لي عارفة بلي دبا كتعتابرني ميتة بحال ماما وبابا وانا نقطع عليه.. فهاد الوقيتة كان مجد جاي لعندها وسمع داكشي لي قالت دخل لقاها كتبكي مجد: مالك انا: (كنمسح دموعي) والو واش بغيتي شي حاجة مجد: لا المهم راه خاص نفسيتك تكون مزيانة باش تجاوبي مع العلاج وانا راني قريت حتى الطب النفسي يعني نقدر نعاونك ... دبا باقا مباغا تعاوديلي انا: لا بغيت نعس..#دبا_سلا_الفلاش_باك_ووصلنا_للحاضر
