الطبيب: اوكي سيري دابا ارتاحي و من هنا يومين نتلاقاو اوكي انا: اوكي.. خرجت و هو يدخل معاذ انا مشيت عند ريان عنقتو و نعست معاذ: امدرا عاودات ليك شي حاجة ولالا الطبيب: وي هانتا سمع و هو يطلقلو التسجيل معاذ سمع داكشي تعصب كيفاش قدر باباه ادير هكاك و عرف داكشي لي عاشت مع داك المجرم خرج معاذ و هو حمر مزير لقا ختو ناعسة فحضن ريان ناضو داوها وصلو دخلها ريان للبيت و غطاها و خرج ريان: امدرا عرفتي شي حاجة معاذ: عاودلو كولشي ريان: اوى شنو غدير دبا معاذ: معرفتش مي الحاجة الوحيدة لي عارف انهم مغاديش يعرفو بلي ليلى حية غاتعيش معايا و غانكون الام و الاب ديالها حيت انا متأكد بلي الام ديالي عارفة الحقيقة بابا كيبغيها و ضروري ميكون معاودليها الحقيقة ادن حتى هي متستاهلش تعرف شي حاجة على ليلى ريان: حتى انا غادي نكون الاخ و الاب و الام ل ليلى و فاش متكونش نتا انا غنكون بجنبها معاذ: شكرا اريان الله اخليك ليا اصاحبي ريان: مابينتناش راه حنا خوت معاذ: عارف لي كاين فقت لقيت كرشي كتغوت بجوع خرجت من البيت مالقيت تا واحد فالدار عيطت عليهم والو مكاينينش خفت و بديت كنبكي دازت ساعة ساعتين والو حتى واحد فيهم ماجا بديت كنتوتر بقيت غادا جايا واحد شوية حسيت بالاختناق و مبقيتش قادة نتنفس طحت الارض و انا كنحاول نتفس بدون جدوى شوية ها هما داخلين جاو كيجريو لعندي معاذ: ليلى ليلى مالكييي جاوبيني ريان: نوض هزها قبل ماتموت.. مشاو طايرين للكلينيك دخلوها دارو ليها الاوكسجين دخل عندها الطبيب فحصها و خرج..
