نهال: صدق مصاحب الصكعة انا: انااري واش بصح نهال: هانتي شوفي بعينيك... بقيت كنشوف و بصح لقيتو مع بنت مي مبايناش مزيان مع مدورة وجها وباينة عليه فرحان اففف انا عارفا معندي زهر انا:(حسيت بقلبي بدا كيضرب بجهد) افف مشا من بين يدي نهال: علاش كان بين يديك بعدا ههههه انا: ناااري دبا نوض نشدك نعطيك قتلة دالعصا نهال: هههه ياله زيدي نخرجو انا: اوكي... مشينا للمول شرينا حويجات دالصيف دزنا كلينا فماكدو ورجعنا للدار *عند ليلى* من بعد ماساليت كانت ديك الساعات وصلات 7 مشيت شديت طاكسي رجعت للدار دخلت دوشت وتوضيت وخرجت صليت صلاتي شوية صونالي تيليفون ماكس: هااي لولو انا: اهلا ماكس سافا؟ ماكس: وي ياله نوضي لبسي حوايجك من دبا 30 دقيقة انكونو عندك انا: فين غانمشيو ماكس: غادي نسهرو و نضحكو راه غدا النقط دالباك و بغينا نحتفلو بيك نتي وجاكلين ومروى قبل انا: ههههه بغيتي معاذ وريان يقتلوني ماكس: نو غادي نرجعو بكري كنواعدك انا: ممم اوكي مي فين غانمشيو ماكس: ديسكو انا: لا لا نتا حماقيتي واش بغيتيهوم يقتلوني ماكس: علاش راه عادي غادي غير نشطحو ونضحكو شوية صافي انا: افف ويلا مشاو عرفو اش غانقوليهم ماكس: حتى واحد مغيعرف ياله هانا شوية ونكون عندك انا: الا افف قطع عليا ياا ربي اش غاندير هو الصراحة بغيت نمشي نشوف داك الجو مي الى عرف ريان و معاذ مشيت فيها... نضت صليت العشا بعدا.. لبست كسيوة قصيرة فالبيض وفيها شويا دزرق من جيهت الصدر مع الاكسيسوار ديالها مع صباط طالون فالزرق هزيت بوشيطة فالزرق حطيت فيها تيليفوني وشي فلوس.. بالنسبة لماكياج درت فوندوتان، ايلاينر، ماسكارا، عكر ماط فالغوز مغلوق رشيت ريحتي la vie est belle... خرجت عند ماكس لقيت الكليكة كاملة دايرين جوج طموبيلات ركبت مع ماكس ومروى وحازم..
