الطبيب: (فرحاان) اوى عاوديلي gاع داكشي لي ضارك و مقلقك انا: هئ هئ لا الطبيب: اوكي على خاطرك نتلقاو من بعد يومين تكوني رتاحيتي انا: واخة...خرجت و هو يدخل معاذ معاذ: امدرا هدرت ولا والو الطبيب: وي هدرت مي معاوداتلي والو سمعو الحوار لي دار بيناتهم فرح معاذ على الاقل كاين امل انها ترجع كيفما كانت خرج معاذ و هو يعنقني معاذ: توحشت نسمع صوتك انا: اش غادير بيه معاذ: هههه يااك زيدي قدامي وصلنا للدار لقينا ريان كيوجد الغدا انا: واش وجد الغدا ولا مزال معطل ريان: (مصدوم) كنظن بلي كنحلم ياك انا و معاذ: هههههه معاذ: لا راك مكتحلمش جا كيجري عنقني و بدا كيضور بيا حسيت بديك الوقيتة بلي عندي اخ ثاني و هو يقول خاصنا نحتافلو معاذ: اه ضروري خرجنا داك النهار داز زوين قررت نعاود كلشي مي مانقدرش نقول لمعاذ خلي حتى نهدر مع الطبيب حسن دازت يومين بزربة و وصل رونديفو لي عندي مع الطبيب الطبيب: صباح الخير انا: صباح الخير الطبيب: لباس عليك انا: وي سافا الطبيب: اوى قادرة تعاوديلي شي حاجة ولالا انا: وي الطبيب: ياله تفضلي و خودي وقتك الكافي وانا هنا كنسمعك انا: بديت كنعاودلو من نهار بابا قاليا ياله و داني عند الغول حتى لنهار لي تلاقيت معاذ كنعاود شوية و نبكي معاودتلوش غير على خالتي معرفتش علاش مي مجبدتهاش gاع حسيت بالراحة فاش خويت قلبي
