مشيت كنوجد فالفطور وهما يجيو معاذ لابس سروال فالكحل مع قاميجة وجاكيطة و ريان لابس بيجامتو باسوني بجوج من حناكي فدقة هههه معاذ: يخليلي الحادكة ديالي انا: ممم صبغني.. اش هاد التبوكيصة على الصباح معاذ: هههه غادي الخدمة انا: مزياان ونتا مالك ملابسش ياكما داخلة فالعقوبة انني نلبسك ريان: هههه وييه مكرهتش حيت كنعيا ههه راني مخدامش صافي ساليت خدمتي انا: كيفاش ساليتي خدمتك ريان: قدمت استقالتي انا: (بصدمة) علاش شنو واقع ريان: انرجع للمغرب انا: (بحزن) اه مزيان ريان: مال حبيبتي غضبانة معاذ: راه انا غادي اليوم نقدم استقالتي انا: (بصدمة) علاش معاذ: انرجعو للمغرب بثلاثة ريان: علاش سحابليك انمشي ونخليك راه رجلي برجلك هههه انا: هئ هئ انا فرحانة معاذ: ومالكي كاتبكي دبا انا: كنتمنى نشوف ليليا ومراد معاذ: كنواعدك انخليك تشوفيهم وخا غير من بعيد انا: اوكي.. كلينا وانا كنفكر فشنو مخبيلي فالمغرب سالينا وناض معاذ مشا انا بديت كنجمع الكوزينة وجا عندي ريان ريان: خايفة انا: صراحة بزااف معرفتش دبا فين غنجلس وفين غنقرا وانا منقدرش نبعد عليك نتا ومعاذ.. معاذ ضروري غيسكن مع عائلتو ونتا غتمشي تسكن فدارك مي انا فين غنمشي هئ هئ ريان: (عنقني) ششش دبا فنظرك انا وخوك مافكرناش فهادشي حنا موجدين لكولشي هيا بصح مغديش تسكني معانا مي ديييما غنكونو معاك وبجنبك اصلا منقدروش نبعدو عليك انا: اوكي.. شوية صونا تيليفوني مروى: ليلى راه علقو انا دبا فالطريق انا: اويلي صافي هانا جايا ريان: مالكي انا: نااري علقو قلبي غيوقف..
