طلعت لبيتي دخلت دوشت وصليت صلاتي عيطت لريم باش تهبط غدا للمغرب فرحاات وقاتلي دبا غتمشي تشد الطيارة مع كندا بعيييدة على المغرب تافقنا نتلاقاو فدار ديال ريان وانا نعس... فقت مع 7 توضيت وصليت صلاتي لبست حوايجي وخرجت ركبت طاكسي وصلت المطار مع 9 قاديت الاجراءات دالسفر وجلست كنتسنا فقاعة المسافرين لمحت بحال دكتور مجد شوية بداو كيعيطو على المسافرين وانا نوض طلعت للطيارة من بعد ساعتين وصلت للدار البيضاء لقيت علاء وحازم كيتسناوني شافوني وجاو كيجريو عنقوني وهزو الباليزة ومشينا للرباط انا: جبتولي حتى الوراق لي وصيتكم عليهم حازم: وي هاهوما انا: وفين السيدي حازم: هاهو انا: شكراااا الله يخليكم لياا وصلت للدار دريان طلعت نيشان لبيت هزيت لبيسي وخدمت السيدي صافي داكشي هو هداك قديت الامور وهبطت الكوزينة كنوجد مناكل حتى جا ريان ريان: هاي هاي فوقاش جيتي انا: غير دبا شوية ياله اجي تاكل ريان: هي اللولة..ليلى ياكما مقلقة حيت اليوم معاذ ايتزوج بهاديك انا: لا بالعكس فرحانة ريان: علاش فرحانة انا: حيت غادي ندير اول خطوة للانتقام ريان: (بقلق) اش غاديري اليلى عندك ديري شي حاجة تندمي عليها انا: ماتخافش انا عارفة اش كندير المهم بغيت فاش العرس يخسر نلقاك كتسناني حدا الباب دالاوطيل اوكي ريان: دبا انا كنهدر معاك اش غاديري انا: غادي نمنع خويا يتزوج موسخة عرفتي دبا اش غاندير ويلا كان صاحبك بصح فراه غادي تعاوني ريان: اوكي امري لله.. شوية دق شي حد فباب الدار انا: اووه لالة ريم وصلات دخلي دخلي ريم: هههه لباس انا: بييخير ونتي ريم: حتى انا الحمد ريان: باينليا نتوما خابزينها بجوج انا وريم: ههههههههه ريان: ياله انا غادي نمشي نشوف معاذ انا: صبر فوقاش غايديرو العقد ريان: قاليا مع 8 حيت طلب مني نكون شاهد على زواجهم انا: حتى هداك زواج يشهدو عليه الناس صافي سير وعنداك تقولو شي حاجة ريان: اوكي غير تهناي.. طلعنا لبيتي انا وريم وريتها السيدي تصدمات ريم: بنت الحرام انا: طالعة لمها ريم: كيفاش انا: والو نساي ياله نوضي دوشي تحيدي عليك العيا دالسفر باش نوجدو راسنا نمشيو راه مزال تابعنا شحال من حاجة.. وصلات دبا 6 خرجنا هزيت طموبيلتي ومشينا للاوطيل لقينا دنيا مرونة كلشي كيوجد وشي داخل شي خارج حنا زربنا باش ميشوفنا حتى واحد لقينا علاء وحازم كيتسناونا كانو تفاهمو مع مول الغرفة لي فيها الكاميرات ديال الاوطيل وحتى التحكم فالتلفازات ديال الاوطيل عطيناه شي فلوس وضمنالو بلي مغايوقع والو لخدمتو بقينا جالسين تما وصلات 7 بداو ناس كايجيو وجات لالة العروسة مقادا الحالة ومعاها حبيبي مقلق شافتو ريم بدات كدمع هههه هاهو جا العدول وهنا غتبدا مهمتي
