معاذ: (مصدوم) ماماا نتي عارفة ماما: اه اولدي -فلاش باك حيدلي الباندا على عيني وانا نحل فمي من الصدمة لقيت طبلة فيها 2 كراسا والورد فالارض وشميعات كان الجو رومانسي وهو يطلق اغنية انا: هئ هئ مجد كنحماق عليك مجد: (معنقني من اللور) انا كنموت فيك ومنقدرش نعيش بلا بيك... شدني من يدي وداني جرلي الكرسي جلست وجلس مقابل معايا كانت الماكلة محطوطة بدينا كناكلو فصمت وخلينا عينينا كتهدر.. سالينا الماكلة وناض خدم الموسيقى مجد: تقبلي مني هاد الرقصة انا: (بابتسامة عريضة) وييي.. بدينا كنرقصو وشوية وهو ينزل على ركابيه وجبد خاتم مجد: ليلى تقبلي تزوجي بيا تقبلي نكون ليك سند مدى العمر وتكوني حبيبتي انا: (دموعي نازلين) اه قابلة.. ركبلي الخاتم وعنقني بقا كيدور بيا مجد: كنواعدك غادي نكون ليك السند والحامي فهاد الحياة.. كنبغييك انا: حتى انا كنبغييك.. غرقنا فقبلة كتلخص الحب لي حامل كل واحد فينا للآخر بقينا ديك الليلة كاملة مع بعضياتنا معانقين وكنهدرو حتى نعسنا فقت لقيتو معنقني ومزير عليا بحال الى غادي نهرب... ناض ورجعني للدار قبل منزل باسني بوسة طويييلة_لم اكن اعلم انها اخر قبلة_ دخلت للدار وكنشوف الخاتم لي فيدي... لقيت ماما جالسة فالصالون انا: مامتي كيبقيتي ماما: بنتي بغيت نهدر معاك انا: الله يسمعنا خبار الخير شنو كاين ماما: اجي نطلعو لبيتك حسن انا: اوكي.. طلعنا وسدات الباب بالساروت استغربت مي ماقلت والو جلسات قدامي وشداتلي يدي.. كانت متوترة ماما: بنتي انا كنت مزوجة قبل من باباك بواحد الرجل انا: (مصدومة) كيفااش ماما: خليني نكمل هدرتي.. وولدت معاه ولد مي للاسف راجلي اللول كان قاسي وطلقني وخدالي ولدي وهرب عييت منقلب والو ملقيتوش هئ هئ تعدبت بزاااف حتى تلاقيت مع باباك وكان كيبغيني من قبل منتزوج عاودتلو شنو وقعلي وأصر اننا نتزوجو وغادي يقلب على ولدي تزوجتو عيا ميقلب مي بحال سرطاتهم الارض.. وليت كنبغي باباك وولدنا خوك معاذ وزادت قوات علاقتي بباباك مي ماعمري مانسيت ولدي.. والبارح عيطلي راجلي اللول سولتو على ولدي مي صدمني بداكشي لي قال انا: (كنبكي) اش gاليك ماما: ولدي هو سامي.. gالي منعي ولدك سامي من زواجو بختو.. سامي هو خوك انا: (مصدومة) هئ هئ كضحكي معايا ياك.. واش عارفة اش كاتقولي دبا الشخص لي عدبني هو خويا هئ هئ ماما: هئ هئ اه ابنتي... خرجت كنجري ركبت طموبيلتي ومشيت نيشان للكوميسارية دخلت لمكتب الضابط طلبت منو نشوف سامي وقبل جا وخرج الضابط خلانا بوحدنا سامي: ليلى سافا انا: هئ هئ لا سامي: مااالك انا: ماما هي ماماك يعني نتا خويا سامي: (بصدمة) كيفااش انا: هادشي لي gاتلي دبا ماما وعاودتلو داكشي كامل سامي: (شاد راسو بيديه) ميمكنش يوقع هادشي انا: (هزيت مقص من صاكي) عطيني شوية من شعرك باش نتأكدو سامي: (خداه من عندي وقطع شوية) هاكي... وقفت باش نمشي... واش غادي تقوليلي النتيجة انا: (بصوت مخنوق) الى كنتي بصح خويا غادي نتنازل على القضية... مشيت وخليتو رجعت للدار ودخلت نيشان لبيت ماما هزيت شعرها من المشطة ومشيت للمختبر عطيتهوم العينات قالولي نرجع من بعد يومين مع 9 دالصباح والجلسة عندي مع 10... دوزت دوك اليوماين غير فبيتي مكنهدر مع حد وصل اليوم الموعود لبست ومشيت للمختبر شديت النتيجة ويديا كيترعدو حليتهم وصدق خويا بالصح جلست للارض بقيت غير كنبكي شفت الساعة لقيتها 9:30 وانا نوض مشيت تنازلت على القضية شفت فماما لقيتها كتبتاسم وكتشوف فولدها لي تحرمت منو كثر من 30 سنة..... -الحاضر ماما: هادشي لي كاين معاذ: (مصدوم) واش كتفلاي دبا سامي خويا الكبير ماما: اه اولدي..
