وصلنا للدار وبالفعل لقيت كلشي برا كيقلب شافوني وهوما يجيو كيجريو انا حيدت يدي بالزربة جا عندي معاذ وشاف وجهي فيه لاطراس داليدين معاذ: اش هادشي فوجهك شنو وقع انا: (عنقتو) هئ هئ مراد: مجد مالها فين كنتو مجد: كنت خرجت جيهة البحر ولقيت شي حد تابعها وهي كتجري وعلى مافهمت منها حاول يغتاصبها الكل: (مصدوم) كيفاااش ريان: فين هاد الحمار مجد: المهم انا خليتو مليوح تما ماعرفتش واش باقي ولالا مراد: زيد وريني فين انا: لا مبغيتش الصداع اصلا راه ضربو مجد خليونا ندخلو بغيت نعس معاذ: اوكي حبيبتي ياله زيدي.. البنات عفاك طلعو معاها طلعت انا والبنات للبيت دخلاتني ليليا للدوش وعاوناتني ندوش كنشوفها باغا تهدر مي مقداش انا: غير قولي داكشي لي بغيتي ليليا: هئ هئ خفت عليك كون وقعاتليك شي حاجة انا غنمشي فيها انا: ششش عفاك اختي نساي هانا حداك دبا الحمد لله لي جا مجد فالوقت المناسب ليليا: الحمد لله... كملت تدواش وخرجت لقيت البنات مزال جالسين وجابدين ليا بيجامة لبستها وجابولي الماكلة انا: البنات والله مقديت غير نزلو تعشاو وسيرو ترتاحو راكم عييتو شيماء: اوكي ختي رتاحي دبا تال غدا ان شاء الله انا: تصبحو على خير البنات: تصبحي على خير.. خرجو وتكيت طفيت الضو خليت غير الضو لي حدا ناموسية.. بقيت هكاك مجانيش نعاس حتى حسيت بشي حد حل الباب درت بالزربة نشوف لقيتو مجد مجد: مزال منعستي انا: لا مجد: انا جبتليك تاكلي شوية انا: مقديتش غير عدبتي راسك مجد: لا غادي تاكلي ياله.. جا جلس حدايا انا توترت حيت مدايراش الحجاب ولابسة غير تيشورت وشورط انا: (بديت كناكل ومتوترة) غير سير تنعس انا غادي نكمل ماكلتي ونعس مجد: (حس بيها متوترة وناض جابليها الفولار واحد تريكو اما رجليها مغطياهم بالغطا ولبسوليها ودارليها الحجاب ديالها) وينو على حبيبتي شحال زوينة انا: كح كح مجد: (حابس الضحكة) حلال حلال خودي الما تشربي انا: (شربت وانا غير مصدومة) شكرا.. صافي شبعت الحمد لله مجد: بالصحة.. ناض حيد البلاطو ورجع لعندي.. اوى انا: (ناري قلبي غايسكت) شنو مجد: باش كتحسي دبا انا: بكرشي عامرة والنعاس بغا يجي مجد: (كتهربي وااخة) لا انا قصدت باش كتحسي من جيهتي انا: مفهمتكش مجد: اوكي.. دبا انا كنحس بالانجداب ناحيتك وغير كنسد عيني كنشوفك وفاش مكتكونيش حدايا كنحس بشي حاجة ناقصاني.. وفاش كتكوني حدايا مكنكرهش نخبيك على العالم كامل ونبقا غير انا لي نشوفك انا: (احح على قلبي بغا يسكتو ولد الحرام) احم تصبح على خير مجد: (الله يصبرني) اوكي بونوي.. ناض وانا نشدو وقفت بستلو عينو لي ضربت انا: سمحلي.. ياله سير تنعس مجد: (مصدوم وفنفس الوقت فرحاان) طار نعاس انا: (اويلي انا اش درت.. اناااري بستو) احم اوى اش غادير مجد: (بمكر) نجلس حداك نتجمعو وفاش يجيني النعاس نمشي انا: اوكي.. جلس وبقينا كنهضرو ونضحكو كنحس بشي حاجة تجاهو مي مبغيتش نزرب.. شفت الساعة لقيتها 4 دصباح انا: عرفتي 4 دصباح هادي مجد: ومن بعد.. ااه وي بصح 4 هادي ياله نوضي نخرجو نمشيو للبحر انا: واش من نيتك وحنا اصلا منعسناش سير تنعس وخليني نعس حتا انا مجد: لا حنا متافقين 4 نخرجو انا: وي مي دبا راه ليل كامل وحنا مجمعين مجد: ماشي شغلي ياله زيدي قدامي.. وقف وحيد الغطا وكانو رجلي معريين حيت لابسة غير شورط قصييير انا: احم دور وجهك.. نزل لعندي وبدا كيقرب قلبي بدا كيضرب بجهد سديت عيني وانا نحس بشفايفو تحطو على راسي وباسو مجد: انا عمري منقربليك الى مكنتيش باغا ياله نوضي لبسي غير شي سروال هانا كنتسناك لتحت انا: اوكي.. حسيت بالفرحة فاش عاملني بديك الطريقة ونضت لبست سروالي وقاديت الفولار مزيان ونزلت عندو
