ليليا: اش كديري هنا وكيدرتي عرفتي بلي غادي نجيو لهنا وحنا من قبييلة كنحاولو نعرفو و والو حتى واحد مبغا يقول لينا انا: ههههه بقيتو فيا زيدو دخلو راه ليلى هادي الى معرفتش انا شكون غتعرف مجد: (ضحكة استهزاء) ههههه عندها الحق انا: (بقيت غير كنشوف فيه مفهمتش هاد السيد) وي.. طلعت عند هداك لي كايسوg gتلو نتحركو دبا بقينا غاديين كان الجو وااعر بقينا كنهدرو ونااشطين حتى بدا كيضلام الحال وحنا فوسط البحر غمزني مراد وانا نوض... امم تشهيت نغني... مشيت طلقت اللحن وبديت كنغني one direction-you&I ناض علاء وكوثر، حازم وشيماء، مراد ومروى، ريان وليليا كيشطحو ونساجمو فالجو حتى لشوية بداو الالعاب النارية كتطلق البنات كاملين شهقو وهزو ريوسهم كيشوفو فيهم فاش دارو لقاو دراري حانيين على ركابيهم والخاتم فيديهم بقاو كيبكيو وبكيت معاهم هههه كلهم قبلو وتعانقو وبديت كنغني "شرين_كلي ملكك".. بداو كيرقصو وانضم ماكس وجاكلين، معاذ وريم بقاو كيشطحو سلاو وجلسنا كنتعشاو مروى: صدمتونا والله ليليا: هههه وي بصح مي كانت مفاجأة زوينة شيماء: كيفاش قديتو توجدو لهادشي كامل وحنا كنا معاكم ريان: سمعو مزياان هادشي كامل كان من تخطيط ليلى حنا طلبناها وهي قاتلينا الفكرة ديالها عجباتنا كاملين... وباش متعيقوش خرجنا البارح غير انا وياها وتبعونا الدراري حنا سبقناهم للمحل ديال المجوهرات بقينا كنختارو فالخاتم ديال حبيبتي ليليا حتى عجبها واحد وخديناه عاد وصلو الدراري وعاود مشينا خدينا الخواتم الباقيين وبقينا من هادي لهادي حتى قادينا كلشي واليوما جات ليلى وقفات على داكشي باش ميكون حتى خطأ طارو عليا البنات عنقوني: شكراااا بزاف فرحتينا والله انا: بعدو مني خنقتوني شفتو عندكم لوسة زوينة وضريفة الكل: هههههههههه... شفت مجد لقيتو كيضحك وكيشوف فيا ويبتاسم الله يستر السيد يمكن مسكون... بدينا رجعين وكل واحد مع حبيبتو فقنت كيهدرو جيت نازلة للطواليط وانا نلقا حازم وشيماء كيتباوسو ومكاينينش فهاد العالم شافوني شيماء حشمات اما سيدي حازم حازم: مكتحشميش داخلة على الراجل ومرتو انا: زايدها بالتسنطيح الله يمسخك.. طلعت الفوق ومشيت جلست فالمقدمة ديال اليخت وبداو كيطيحولي الدموع فاش فكرت فالعملية حتى جا حدايا مجد مجد: علاش كتبكي انا: ونتا سوقك مجد: (كترديلي الصرف واااخة) سمحيلي البارح كنت معصب على حساب شي خدمة انا: ممحتاجش تبررلي حيت مابيني وبينك والو ومشيت خليتو مجد: حماار انا ديما متسرع الحمد لله لي ممشيتش.. وصلنا ومشينا ركبنا طموبيلات ورجعنا للدار انا دخلت نيشان نعست عييت حتى صبح الصباح فقت لبست حوايجي خرجت لقيت ماكس كيتسناني مشيت عنقتو انا: هئ هئ خاايفة ماكس: ششش انا معااك ومغنخليكش... مشينا للكلينك بديت فالتحاليل و الفحوص حتى شداتني السخفة مع ماكليتش النهار كامل ماسلينا تال 4 لقيت ماكس جايبلي الماكلة كليت وعاد تحركنا انا نعست فالطريق... شافها ماكس هكاك وهو يهزها ودخلو ريان: (كيهدر بشوية) فين كنتو نهار كامل ماكس: بلاتي نحطها ونرجع.. انا نعست مافقت تال الصباح... بدلت حوايجي ونزلت لتحت لقيت ماكس فايق ومشيت جلست حداه انا: صباح الخير ماكس: صباح النوور انا: شنو gلتيلهم البارح ماكس: قتليهم بلي بقينا غير كنتسراو ونسينا راسنا وصافي انا: تيقوك ماكس: ويي حيت عارفينا انا وياك كيدايرين انا: ممم اوكي ماكس: متخافيش انا ديما معاك ويلا بغيتي تمشي لكندا ترتاحي شي يامات ياله ومنها تنساي شوية...
