فاش ليلى طلبت من ريان نركب معاه توترت وحسيت بقلبي غايخرج من بلاصتو المهم ركبت معاه فالطموبيل ريان: احم كنظن فرحانة حيت لقيتي ختك مزال حية انا: وي بزااف وشكرا ليك كون مكنتيش كون دبا... ريان: ماتقوليش هكا ليلى عزيزة عليا ومغنخلي حتى واحد يقربليها انا: شكراا ريان: مبيناتناش الزوينة.. شافها لقاها تزنكت وعجبو الحال... اوى كيغادا مع القراية انا: مزيان حمد لله هاد الساعة ريان: سمعت بلي من صغرك ونتي كتحلمي تكوني طبيبة اطفال انا: وي بصح والحمد لله هانا بديت فتحقيق ديالو.. بقاو كيهدرو من موضوع لموضوع وهي طلقات معاه عجبو الحال فاش وصلو قبل ماتنزل شدها ريان: ليليا ممكن تعطيني نمرة دتليفونك انا: (فرحات) اه واخة *******... نزلنا للدار ديال ريان وكانت ليلى حتى هيا وصلات وشرات الغدا ودخلنا مجموعين تغدينا ريان: انا دبا غنطلع ندوش ونمشي نخدم اوكي ليلى: اوكي شوف عيط لمعاذ ومراد يجيو يتعشاو بغيت نتعشا مع خوتي هاد النهار ريان: مرحبا الالة واش تبغيو نجيبلكوم شي حاجة ليلى: نو انا وحبيبتي غنخرجو نتقداو ريان: اوكي مي حضي راسك عنداك يشوفك شي حد ليلى: نو متخافش... ليليا ياله زيدي نمشيو نتقداو مشينا انا وليلى ركبت معاها وحنا غاديين انا: ليلى تبارك الله كتعرفي تسوgي علاش كدبتي عليا ليلى: ههههه غير بغيتك تعرفي على ريان وصافي باش متبقايش حشمانة منو انا: (تصدمت) كيفاش وعلاش ليلى: دبا بصراحة كيف كايجيك ريان انا: (بديت نصفار ونخضار) ليلى: ههههههه صافي صافي فهمت انا: ا...ا..اش فهمتي ليلى: والو زيدي نتقداو باش نرجعو بزربة... مشينا تقدينا ورجعنا للدار لقينا ريان مشا حطينا داكشي وطلعنا لبسنا بيجامات وهبطنا... *عند ليلى* تقدينا ورجعنا للدار لبسنا بيجامات وحيدت انا الفولار جمعت شعري الفوق ونزلنا الكوزينة انا: ليليا كتعرفي طيبي هي: ممم لا مي نعاونك انا: ههههه اوكي.. بدينا كنطيبو gاع داكشي لي كنعرف درتو سالينا وطلعنا دوشنا صلينا بجوج ولبسنا حويجاتنا ومع كاينين غير خوتي مدرتش الحجاب شوية هاهوما جاو معاذ: (تصدم فاش شاف ليليا حيت معاودولو والو) ليليا ليليا: هههه وي خويا معاذ: (جا عندنا عنقنا بجوج) الله اخليكم ليا انا وليليا: اميين.. جلسنا كنتعشاو فجو ديال الضحك والمرح عجبني الحال وحسيت بلي بديت كنرجع عائلتي حتى فاجأنا معاذ بواحد الخبر..
