توضيت وانا نخرج صليت صلاتي وبديت كنشف فشعري درتلو لبابيليز درت ماكياج خفيف ولبست كسيوة سامبل فالخضر وفيها سميطة فالكحل مع صندالة ديال طالون فالخضر هزيت بوشيط فالكحل وانا نخرج من البيت مشيت عند معاذ انا: خويا وجدتي ولا مزال معاذ: هانا وااجد فين ريان انا: هانا غاذا نشوفو... رياان لبستي ريان: وي دخلي انا: اووه ناس والتبوكيصة عاوتاني خاصني نزوجك ريان: ههههه سييري ابنتي بعدي مني انا مرتاح هكا... المهم مشينا نشطنا و شطحنا.. دازو ايام و ريان ومعاذ كيقادو الوراق ديال خدمتهم و قررو انهم ميبيعوش الدار ايخليوها باش حتا الى جاو يلقاو فين يجلسو انا تشغلت بواحد المسابقة ديال الرقص عندي بقاتليها يومين ونيت كنحاول نسى انني غادي نهبط للمغرب اه انا باااغة نمشي مي خاايفة مزال معرفت اش كيتسناني تما.. الحمد لله ختي نجحات فالجهوي فرحتليها بزااف مكرهتش كون كنت حداها مي شاءت الاقدار ان نبتعد... نهار جديد خاصني نمشي لمدينة اخرى فين عندي المسابقة فقت بكري توضيت صليت لبست حوايجي عبارة عن سروال كحل مقطع فالركبة مع قميجة فالبيض وجاكيطة فالكحل وكونفيرسة فالبيض.. هزيت الحوايج لي غنحتاج تما خرجت لقيت الفطور موجود كليت وحنا نمشيو انا ومعاذ وريان.. معاذ: ياكما خايفة انا: شوية ريان: متخافيش كلشي غيدوز مزيان ان شاء الله انا: ان شاء الله.. وصلنا مشينا الاوطيل دخلت لبيتي دوشت ونعست مافقت غير على دقان دالباب معاذ: نعاسة لبسي ويلاه نتعشاو انا: ما فيا لي يخرج و الله معاذ: ممم اوكي هانا نعيطليهم يجيبوه لبيتك و نتعشاو مجموعين انا: اوكي.. مشا وانا دخلت توضيت صليت داكشي لي فاتني عاد جاو كلينا فجو ديال الضحك.. سالينا ناضو مشاو لبيتهم وانا مشيت نعس باش نقدر نفيق غدا...
