مجد: نو مكاين حتى عداب.. بقا كيشوف فجوري.. بنتك زوينة انا: (حنيت راسي) شكرا.. مجد: نقدر نهزها انا: ويي.. مشا هزها وبقا كيضحك معاها تخايلتو هاز بنتنا ولا ولدنا بقيت كنبتسم حتى دخل سامي سامي: ليلى انا: (توترت) نعام سامي: (شاف فمجد) شكون هادا انا: خو ماجدة لي وصلني البارح للكلينيك ونسيت تليفوني البارح عندو فالطموبيل وجابولي سامي: ااه شكرا اخويا خيرك عمرني نساه مجد: (كارز على يديه) ماشي شي حاجة ياله نخليكوم.. حط جوري بلاصتها ومشا سامي: (بتشكيك) متأكدة مكتعرفيهش انا: (متوترة) لا سامي: اوكي.. مشا خرج وانا جلست حطيت راسي على البيرو وبديت كنبكي وندعي الله يبين الحقيقة... دازت سيمانة ماعودتش شفتو اليوما الاحد جالسة غير فالدار حتى جات عندي ماجدة ماجدة: اهلا الزين لباس انا: الحمد لله ونتي ماجدة: وي بخيير هاد الساعة.. جيت نعرضك للخطوبة ديال خويا انا: (توترت) شكون خوك ماجدة: هادا مكتعرفيهش سميتو ياسين انا: (ارتاحيت) اه اوكي ان شاء الله فوقاش كاينة الحفلة ماجدة: غدا فالليل انا: اوكي يجي سامي ونقولهالو ماجدة: راني قلتهالو انا: ههههه ممم الناس كيتحابو ماجدة: (رجعات حمرة) لا ماتفهمنيش غلاط انا: ههه سييري ضحكي على شي حد آخر من غيري عرفتي من النهار اللول لي شفتك فيه عرفت بلي غاتكون بيناتكم شي حاجة ماجدة: بالصح زعما يقدر يكون كيبغيني انا: انا لي عارفة بلي معجب بيك ماجدة: (بفرحة) حلفي انا: ههه والله ماجدة: هههه يعني عندي امل انا: وماعندكش مشكيل حيت عندو بنت ماجدة: لا والله اصلا كتعجبني جوري وغانديرها بحال بنتي انا: (عنقتها) شكراا اختي.. جوري كنعتبرها بنتي وقطعة من روحي ماجدة: عارفة لي كاين.. ياله انا غنمشي نتلقاو غدا انا: اوكيي.. مشات وانا صونيت على سامي جا داني للمول خديت مانلبس انا وحبيبتي ورجعنا للدار.. نهار جديد مشيت للصالون قاديت حالتي ورجعت للدار لبست انا وجوري نزلنا لقيت البوكوص ديالي جا وااعر انا: الناس مقادين الحالة شي حاجة عادية راه غاديين عند النساب سامي: (حابس الضحكة) زيدي قدامي اشنيولة انا: المهم حاول تعرف على خوتها و والديها هههه... ومشيت كنجري للطموبيل.. مشينا غير قربنا وبدا قلبي كيضرب وبان عليا التوتر سامي: (خاصني نعرف شنو بينها وبين مجد) حبيبة مالكي انا: لا والو.. وصلنا وتعرضات لينا ماجدة بديت كنقلب عليه مبانليش ارتاحيت نسبيا واخة توحشتو مشينا باركنا للمخطوبين كان كايشبه لمجد مي هو ضحوكي بزاف وخطيبتو فنيونة سميتها دعاء مغربية الجنسية ياسين (اخ ماجدة): ليلى كتباني صغيرة على انكي تكوني ام سامي: ههههه لا راه ماشي ماماها ياسين: علاش ممزوجينش نتوما انا: هههه نو حنا خوت وهادي بنتو ماماها ماتت الله يرحمها سامي: وحبيبتي ليلى هي لي رباتها يعني بحال ماماها وكثر دعاء: ااه مزياان الله يخليهالكوم انا وسامي: اميين ماجدة: افف الملل مزال مجا المغني دعاء: ماشي اعتادر فآخر لحظة عاد عيطنا لديدجي مي مزال مجا سامي: حبيبتي نوضي غنيليهم شويا على مايجي ديدجي ماجدة: (بصدمة) كتعرفي انا: شويا وصافي دعاء: ههه نوضي بليييز انا: اوكي.. مشيت خديت الميكروفون وبرونشيت تيليفوني مع لي باف طلقت اللحن ديال نفس الاغنية لي غنيت لمجد فاش مشينا فاليخت معرفتش علاش مي بغيت نعاود نغنيها "say you love me Jessie ware" بديت كنغنيها وهو يبانلي واقف بعيد كيشوف حتى كملتها وكلشي كيصفق مشيت رجعت جلست دعاء: واااو صوتك زويين ماجدة: ويي بصح تبارك الله عليك انا: هههه ميرسي مجد: (شاد يد واحد البنت) سلام الكل: وعليكم السلام ياسين: فين تعطلتي اصاحبي مجد: (بابتسامة) غير ياسمين لي عطلاتني راك عارف البنات شحال فيهم ياسين: هههه وي بصح ياسمين: مغاديش تعرفني على الناس مجد: خلاص خوتي عارفاهم وهدا سي سامي وليلى خدامين مع ماجدة هادي ياسمين خطيبتي... هزيت راسي بقيت كنشوف تصدمت دموعي شادهم بالسيف سامي: (حس بيها ماشي هي هاديك) حبيبتي ياكما عييتي نمشيو ياسين: لا اصاحبي مزال الحفلة مبدات وحنا كنا عوالين ليلى تزيدنا شي اغنية دعاء: وي اختي نوضي غني وشوفي شي وحدة بالعربية انا: (بابتسامة مزيفة) اوكي مرحبا.. وقفت ومشيت غنيت "كدة يا قلبي- شيرين" كنغني ودموعي نازلين كلشي كان كيسمعني واخة شي وحدين مفهمونيش مي وصلهم إحساسي فاش ساليت كلشي ناض كيصفق وجا عندي سامي مسحلي دموعي سامي: (فودني) انا غنبقا ديما معاك واش نمشي نقولو بلي حنا خوت انا: (شديتلو يدو) لا عفاك.. اجي منين عرفتي
