جلست كنتعشا معاهم و كنهضرو حتا قتليهم انا: ناقصنا غير ليلى (كنشوف فيهم كلهم باش نعرف ردة فعلهم) بابا: (بحزن) الله يرحمها ماما: الله على بنيتي مشات بلا منشبع منها هئ هئ.. ليليا مشات كتجري لفوق انا: مالها مراد: حنا كاملين حزنا فاش ماتت ليلى الله يرحمها مي ليليا كانت اكثر وحدة فينا تاثرت متنساش بلي ليلى توأم ديالها انا: اوكي انا طالع لعندها... ختي نقدر ندخل ليليا: وي خويا دخل انا: (جار الباليزة لي عطاتو) هادشي خديتوليك نتمنا يعجبك ليليا: (شدات لباليزة حلاتها وحلات فمها معاها وبانليها دوك الحوايج عاد خرج داك ستيل يعني أ لَمود شمات روايح حمقوها شافت سناسل وشي جوج سوايع كانت شوية وغتسطا طارت عند خوها عنقاتو) واااو شكرا نتا احسن اخ فهاد العالم انا: حمقة علاش شحال عندي من ليليا (جلسو فوق ناموسية) انا عارف راسي بعدت ومكنتش ليك الاخ لي تعتمدي عليه كنتمنا تسمحيلي ليليا: نتا كتبقا خويا وراه ضروري تكون راسك والحمد لله حيت نتا هنا معايا وفرحان وناشط انا: الله اخليك ليا.. ياله نخليك دبا حتى لغدا تصبحي على خير ليليا: تصبح على خير *عند ليلى* صبح الصباح جا عندي معاذ فطرنا بثلاثة وخرج هو وريان و وصاوني منخرجش.. بقيت غير جالسة كنتفرج وصل الغدا نضت طيبت مناكل بقيت هكاك حتى الليل عاد جاو انا: على سلامتكوم فين غبرتو نهار كامل معاذ: هبطنا لمكناس انا: علاش اش درتو تما ريان: قلبنا على الدار فين غتسكني انا: ممم انا غنسكن تما معاذ: وي حيت اول حاجة قريبة لرباط ومدينة هادئة مافيهاش قوة الصداع انا: اوكي و لقيتو معاذ: وي داكشي علاش تعطلنا قادينا الوراق والمسائل ديال الملكية..
