*عند معاذ* في المطار.. الله شحال توحشت ريحة بلادي و توحشت ديك الخايبة واخا معرفت علاش طفات التليفون مي حتى نشدها خرجت ركبت فطاكسي مقلتليهومش جاي بغيت نديرهاليهوم مفاجأة وصلت للدار.. دق دق الخدامة: اهلا خويا معاذ (بحزن) انا: اهلاا مالكي شفتك مافرحاناش واش مبغتنيش نجي الخدامة: لا حاشا انا: فين ماما الخدامة: راها فالصالون... دخلت لقيت ماما كاتبكي انا: ماما ماما مالكيييي ماما: ولدي هئ هئ جيتي توحشتك انا: مالكي اماما علاش كاتبكي ماما: ا.. ل.. ليلى هئ هئ انا: ماما هدري مال ليلى ماما: غبرات معرفنا فين مشاات انا: كيفاش فين مشات و فوقاش ماما: هادي سيمانة هئ هئ خرجات و معاوداتش رجعات هئ هئ انا: و علاش مَعْيّتوليش ماما: مابغيناش نخلعوك انا: علمتو لبوليس ماما: ا.. اه اولدي علمناهم مشيت طلعت لبيتي و سديت عليا و بديت كنفكر فختي صغيرة فين غاتكون خانوني دموعي و بديت كنبكي بحال شي دري صغير حيت داكشي لي كان بيناتنا كبر من الاخوة واخا كانت صغيرة مي كاتفهمني كثر من اي واحد الله يا ربي فين غاتكوني احبيبتي.. وصلات العشية خرجت من بيتي تلاقيت خويا مراد كبر تبارك الله مراد: خوياا جيتي هئ هئ و عنقو انا: (حابس البكية) اه توحشتك مراد: شفتي اش وقع لينا و ليلى مشات هئ هئ
