انا: واااو نتوما احسن جوج فهاد العالم معاذ وريان: عاارفين انا: هههههه.. دازت ديك السيمانة وهما معايا قادولي المسائل دالقرايا ولات سميتي سلمى التازي وحان وقت الوداع خاصهم يمشيو يبداو خدمتهم جابولي واحد البنت تكون عندها ديك 30 عام هي وراجلها هي غادي تكلف بالدار وهو الى حتاجينا شي حاجة كان هدفهم مايخليونيش بوحدي فالدار عطيتهم واحد البيت فالسفلي معاذ: تهلاي فراسك وعنداك تنساي متاخديش الدوا ديالك فالوقت اي حاجة حتاجيتها عيطيلي انا ولا ريان وحنا كل ويكاند انجيو عندك اوكي انا: واخة هئ هئ ريان: صافي عفاك متبكيش هانتي راه غير خمسيام كادوز بزربة ونتي غدا اتبداي القراية وسناء (الخدامة) راه بنت ضريفة غادي تفاهمي معاها انا: اوكي معاذ: ياله احبيبتي هاحنا غاديين واي حاجة بغيتها عيطيلينا انا: اوكي الله يوصلكم على خير *عند معاذ* انا: خايف عليها وبقات فيا مكرهتش تجي تجلس معانا وتمشي تقرا ومتعيش فهاد الخوف والقلق ريان: اوى معندنا منديرو.. راك سمعتي الطبيب اش قالينا واخة كتضحك وناشطة مي هيا مناسياش اش وقعليها وحاقدة على والديها انا: افف عارف.. زيد تمشي معايا للدار نتغداو ونطلعو بجوج للشركة ريان: لا غير خليني نمشي مبغيتش نصدعكم انا: اش هاد الهدرة زيد قدامي راك خويا.. وصلنا للدار لقينا ماما وبابا ومراد اما ليليا مزال ناعسة ههه فرحو بيه وبدينا كنهدرو حتى هبطات لالة ليليا ليليا: صباح الخير انا: هههه اشمن صباح بقا راه 12 هادي ليليا: (نتبهت لريان قلبها بدا كيضرب بجهد وسهات فيه) انا: ليليا انعرفك على صاحبي وخويا ريان.. ريان هادي ختي ليليا ريان: متشرفين ليليا (مد ليها يديه) ليليا: (بفرحة سلمات عليه) متشرفين ريان ريان: (كيهدر بشوية مع معاذ) شفت ليليا وانا نتفكر ليلى معيطناليهاش هانا خارج للجردة نهدر معاها اوكي معاذ: واخة
