سامي: ماريا ماريا: اه ماريا لي خليتيها كتعدب ونتا مع هادي سامي: حتارمي راسك ماريا: انا حاملة منك اسيدي ونتي سيري شوفيلك شي حد آخر انا: ختي راك فاهمة غلط راه... ماريا: ياك نتي ليلى.. هزيت راسي بالايجاب.. اوى ديك الليلة كاملة كيقول سمحيلي اليلى انا: (شفت فسامي لي حنا راسو) دوزي تجلسي ومتعصبيش انا ختو ماريا: (مصدومة) كيفاش ختو كضحكي عليا انا عارفة بلي معندوش خوتو انا: انا ختو من ماماه ماريا: لقيتي ماماك انا: وي اجي جلسي.. جلست ماريا حانية راسها وسامي مصدوم سامي: متاكدة بلي نتي حاملة مني ماريا: (عينيها فيهم الدموع) نتا كنتي اول واخر واحد قاسني ويلا متيقتنيش نمشيو للطبيب سامي: اه ياله زيدي قدامي ليلى نتي سيري للدار انا: لا غادي نمشي معاكم سامي: (تنهد) اوكي.. مشينا لعند الطبيبة وسامي باين عليه التوتر عكس ماريا لي كانت مرتاحة يمكن كتقول الصراحة وصلنا ودخلو بجوج لعند الطبيبة لي اكدت كلامها وعطاتو التاريخ ديال الحمل ديالها خرجو وسامي كان معصب انا: (شديتلو يديه) حتا نتا عندك خوتك بنات وانا متأكد غادي تبغيها وهي تبارك الله بنت زوينة سامي: واخة غدا نمشيو نديرو العقد ماريا: (بفرحة) اوكي.. وصلنا سامي وشديت ماريا ديتها معايا للدار ماما: اهلا بنتي شكون هاد البنت انا: هادي خطيبة ولدك سامي ماما: (بفرح) مرحبا بنتي ماريا: يرحب بيك الخير اخالتي انا: ماما راه غدا ايديرو العقد ماما: (مصدومة) بهاد السرعة انا: (غمزتها) لا راه كيعرفو بعضياتهم من شحال هادي راه تعطلو لي خاصك تقولي ماما: اه واخة ابنتي انا: اجي نطلعو لبيتي ترتاحي شوية.. طلعتها لبيت وعطيتها بيجامتي... نجيبلك شي حاجة تاكليها ماريا: (عنقاتني); هئ هئ شكرا اختي وسمحيلي على ديك الهدرة انا: ششش حتا انا بنت وحاسة بيك كيفما منبغيش هادشي لختي منبغيهش لبنات الناس وحتى سامي ميبغيش هادشي واخة كيبان قاسح مي راه حنين ماريا: خايفة يعاملني خايب انا: لا انا متأكدة مع الوقت غادي يبغيك ماريا: ان شاء الله.. خليتها بغات تنعس ونزلت لقيت ماما كتسناني ماما: بنتي شنو واقع ياله شرحيلي انا: مواقع والو ولدك بغا يتزوج شنو فيها ماما: ماشي على هادشي انا كنهدر على هاد السرعة.. او البنت مكانعرفوهاش وجايباها مدخلاها علينا وكتقولي غدا غيديرو العقد انا: ماما قريبة تولي جدة صافي هادشي لي بغيتي تعرفي ماما: (ضربات حناكها) اويلي واش البنت حاملة انا: اه وراه ماشي الغلط ديالها بوحدها راه حتى ولدك كنقوليك هاد الهدرة باش مضلميهاش وباش تفكري بلي عندك 2 بنات ولي ماخرج من دنيا ماخرج من عقايبها ماما: واخة ابنتي انا: ياله انا نمشي نقرا راه تعطلت ويلا شفتيها متقوليلهاش شي كلمة تجرحها عفاك اماما ماما: متخافيش ابنتي وسيري الله يرضي عليك انا: اميين.. مشيت لقرايتي كملت ورجعت تلاقيت ليليا فالباب عاودتليها باش متمشيش تزبلها قدامها دخلنا مبنتليناش وطلعنا لبيتي لقيتها جالسة انا: سلام ماريا: وعليكم السلام ختي انا: هادي ختي ليليا ليليا: اهلا مرحبا بيك اختي ماريا: شكرا.. واش نتوما توام انا: هههه وي.. مشات ليليا تبدل وانا بدلت حوايجي وطلقت شعري وهبطنا لتحت بثلاثة جلسنا فالجردة كنحس بماريا متوترة وحشمانة..
