عماد: انا مزال عاقل على داك النهار مزيااان شفتك كيفاش كتسوgي السكوتر عجبتيني كنت عوال غير نتعرف عليك مي نتي تهجمتي عليا وضربتيني وانا دبا دخلت للصال غير على قبلك الزين (عقلتو البنات على هداك لي تلقات ليلى فطنجة فاش داها ريان لبلاصة لي سكوتر وحاول يتقرب منها وهي ضربو حتى جا هزها مجد وهي ضربو لعينو هههه عقلتو) واليوم غادي نردليك الصرف.. انا: (قلبي غيسكت بالخلعة) عفاك متقيسنيش عماد: ههههههه نو حبيبة انا غادي نقيسك ونلعب فيك كيفما بغيت.. بدا كيقربلي وانا كنرجع باللور.. ماعندك فين تهربي غير اجي باش نطلقك بكري حيت خدامة الصباح ياك ههههههه انا: (كنفكر اش غاندير صافي مشيت فيها) واش ماعندكش خواتاتك تبغي لي يتعدا عليهم عماد: غييير تهناي مغاديش نبدل رأيي من بعد مالقيتك مستحيل نخليك انا: (كنشوف واش كاينة شي طريقة باش نهرب ولا نفك راسي حتى شفت واحد لفاز بعيد شوية غنحاول نقرب منو) عفاك الله يخليلك ماعز عليك بعد مني.. بديت كنرجع باللور حتى وصلتلو وانا نوقف قرب عندي وانا نهزو وضربتو للراس شد راسو وانا نهرب طلعت لبيتي وسديت عليا بالساروت شفت لقيت راسي ناسية صاكي لتحت وفيه التليفون بديت كنقلب على الورقة لي عطاني مجد داك النهار شوية وانا نسمع الدقان عماد: حبيبة حلي الباب هههههه سربي متعطليش عليا وبلى متوجدي راسك انا قابل عليك هكاك.... بديت كنبكي ونقلب وانا نلقاها فالمجر ديال البيرو ومشيت هزيت الفيكس ويدي كيترعدو كيصوني وقلبي كيزدح مجد: الو انا: هئ هئ مجد مجد: ليلى مااالك انا: عفاك اجي راه واحد تهجم عليا وانا دبا سادا عليا بيتي مي خايفة مجد: متخافيش انا ياله وصلت لباريس هانا 5 دقايق نكون عندك وبقاي معايا فالخط متخافيش احبيبة نتي غير بقاي بلاصتك انا: هئ هئ بالزربة عفااك قلبي غايسكت مجد: ششش تكالماي... بديت كنسمع الزدييح فالباب عماد: (بالغوات) الى محلتيش غادي نفرع البااب مجد: (زاد تخلع) حبيبتي متخافيش منو انا قربت.. شوية وهو يتفرع الباب وانا نغوت... مجد: (كيغوت) ليلى ليلىىىىى عماد: اووف عييتيني اجي لهنا انا: متقربش ليا.. شدني وهو يحدلي الفولار... عماد: اوووه شعرك زوين مجد: (كيغوت) بعد منهاااااا انا: عفاك رحمني هئ هئ.. دفعني حتى طحت على الناموسية وبدا كيحاول يبوسني وانا كنبعد وجهي شوية شد حوايجي بدا كيقطع فيهم قاااومت مي والو وكندعي يجي مجد دغيا.. كان بحال الوحش كيصرفقني ويعضني بغا يحيد سروالو وهو يتجبد من فوقي شفت وانا نلقا مجد حمدت الله وانا نجر عليا الغطا وتغطيت وكنشكر الله مجد: (كيضرب فيه) الحمااار ق*** هاديك ديالي انا.. غادي ندمك حيت فكرتي تقيسها بقا كيضرب فيه ويعاود حتى مبقاش كيتحرك وهو يعيط للبوليس جاو بالزربة هبطوليهم وداوه... طلع لقاها مكمشة وكترعد قرب منها وحط يديه على راسها وهي تقفز مي غير شافتو وهي تحشا فيه انا: هئ هئ مجد مجد: (حابس البكية) ششش صافي راه دااوه متخافييش انا حداك انا: متخلينيش عفاك بات معايا انا خايفة مجد: غادي نبقا معاك متخافيش انا: ديني للحمام بغيت ندوش مجد: وااخة.. هزني وحطني فالحمام.. واش نعاونك انا: جيبلي غير حوايجي مجد: اوكي.. جابلي الحوايج وسد الباب هو مشا نزل لتحت هز صاكو دالحوايج وتاكد من البيبان راه مسدودين وطلع دخل لواحد البيت لبس فيها بيجامتو ودخل لبيتها كيتسناها تخرج... خرج وانا ندخل من تحت الما وبديت كندوز الصابون على البلايص لي قاسني فيهم وكنحك وحكيت وجهي حتى رجعت حمراا ساليت ولبست بيجامتي خرجت لقيتو كيدور شافني وهو يوقف بدا كيشوف فيا ويبتاسم وهو يجي شدني من يدي وجاب السيشوار نشفلي شعري وهو يغطيني مجد: (كيدوز يديه على شعري) نعسي دبا وارتاحي متخافيش انا حداك انا: (كحزت) اجي نعس حدايا.. وقف وجا تكا حدايا وتغطينا وهو يهز راسي حطو على صدرو مجد: كنبغيك وعمري نتخلا عليك انا: (زيرت عليه) حتى انا كنبغيييك.. هزيت راسي شفت فيه وانا نبوسو مجد: (فرحان) غير يجي خوك ونجي نخطبك ونتزوجو انا: ان شاء الله.. بقينا كنهدرو شويا حتى نعسنا.. صبح الصباح لقيت راسي لايحة عليه رجل ويد وهو فايق وكيضحك مجد: ونعاس عندك انا: هههه صباح الخير مجد: صبااح الورد وردتي
