ريان: معاذ كون هاني راه ليلى بحال ختي غدا نكونو عندك معاذ: شكرا بزااف اريان *عند معاذ* اليوم كانت عندي سوطنونس دوزتها مزيان حمد لله وصلت للدار هزيت تيليفون نعيط لمالين الدار نسول فيهم حيت منين ماتت ختي مهدرتش معاهم مقديتش نتيق بلي ختي مشات لقيت نمرة ديال ختي صونات عليا تلفت و دنيا دارت بيا جلست شديت تيليفون و يدي كيترعدو عاودت صونيت جاوبات مي سمعت غير صوت البكا... عرفت بلي هي مع صاحبي ريان فرحت وخا مفهمت والو من هادشي مي المهم هو راها بيخير *عند ليلى* حسيت بالراحة منين سمعت صوت خويا و عرفت بلي ريان صاحبو نعست لاول مرة و انا كنحس بالامان.. وصل الصباح بزربة ريان: صباح الخير انا: كنبتسم ريان: ياله نوضي تفطري باش نمشيو راه الطيارة واجدة مابقا والو و تشوفي خوك نضت فطرت و دارليا ريان طربوش حيت مزال مناضلي الشعر مشينا المطار ركبنا في الطيارة خاصة يمكن ديال ريان انا نعست حتى كنحس بشي حد فيقني ريان: ليلى فيقي راه وصلنا انا: كنحس بقلبي كيضرب بزاف هبطنا من الطيارة الجو فشكل و باارد الحال هنا خفت وانا نشد فيد ريان ريان: متخافيش انا معاك دخلنا المطار كنلقا معاذ واقف شافني و بداو دموعو كينزلو مشيت لعندو بشوية حيت مكنقدرش نجري جا عندي و هزني كيبوس فيا و كيبكي معاذ: هئ هئ ختي حبيبتي فين كنتي انا: هئ هئ.. شوية مبقيتش عاقلة شنو واقع سخفت
