بقيت جالسة ودموعي كيطيحو بحال الشلال لقيت مراد ومعاه ليليا ختي كتبكي حتا هيا جات كتجري لعندي وعنقاتني وبقات كتبكي ليليا: هئ هئ ختي توحشتك بزاااف.. الحمد لله لي مزال حية انا كنت عارفة متقديش تخليني وتمشي هئ هئ انا: هئ هئ كون تشوفي انا شحال توحشتك وتوحشت ريحتك.. الناس بقاو كيشوفو فينا جا مراد نوضني من الارض وركبنا انا وليليا اللور معنقين بعضياتنا وكنبكيو.. وصلنا لداري دخلنا انا حيدت لي لونتي مع دروني عيني وبقات كتشوف فيا وتبتاسم طلعتها لبيتي بدلت حوليجي لبست بيجامة وعطيتها وحدة تكينا فوق ناموسية بنفس الطريقة لي كنا كنديرو مني كنا صغار هي على صدري وانا كنلعب فشعرها ليليا: ختي عاوديلي شنو وقع ليك وفين كنتي هاد المدة كاملة انا: علاش مراد معاودليكش ليليا: نو عاودلي مي بغييت نسمع منك نتي فاش غتعاوديلي غادي نحس بيك ياله هانا كنسمع انا: عاودتليها على كلشي من غير على خالتي وعلى انني مريضة ليليا: هئ هئ ميمكنش بابا يدير هكا انا: ششش صافي احبيبتي لي فات مات مي واعديني مغتقولي والو ليليا: غادي نحاول وخا كرهتهم حيت بعدوني عليك انا: هاحنا دبا مجموعين الحمد لله والفضل كيرجع لمعاذ وريان ليليا: شكون ريان انا: صاحب معاذ معرفتيهش ليليا: لا عرفتو انا: ريان مكينش منو جوج راني عشت معاه فنفس الدار لمدة 4سنين وزيد عليها هاد 3سنين لي كنت فيها فمكناس كان كل ويكاند كيجي وغدا اتلقايه هنا ليليا: اه مزيان (ياكما ختي هي حبيبتو) انا: غادي تباتي معايا ياك ليليا: وي راه مراد قاليهم غنبات مع صاحبتي انا: اوى مزيان يلاهي نتعشاو.. هبطنا تعشينا وسهرنا انا وختي حتال شي 4 دصباح بالهدرة عاودنا gاع داكشي لي وقع لينا كنحاولو نعوضو داكشي لي فاتنا.. حتى نعسنا كنفيق على شي يدين كيفيقوني حليت عيني لقيت ريان انا: سير بعد مني خليني نعس ريان: نوضي تقعدي راه 11 هادي انا: عفاااااك خليني نزيد شوية بليييز ريان: واش انا دبا جاي هاد الطريق كاملة بغيت غير نشوف حبيبتي ونتي مباغاش النعاس مغيهربش انا: (شفت جيهت الحمام لقيت ليليا واقفة كتشوف) احم ريان نوض وسلم على ليليا ريان: (بصدمة) علاش هي عرفات انا: وي البارح مراد جابها هاهيا وشيرتلو جيهتها شافها وهو يوقف توتر سلم عليها وحسيت بها مقلقة.. يلاه خرج هبط تسنانا لتحت.. مشيت لجيهة دالحمام حتى وقفاتني ليليا ليليا: دبا نتي كديري الحجاب وهو شافك بلا درة انا: هههه نو انا اصلا مكنديرهاش قدامو.. نفس السؤال طرحو عليا مراد هههه مي راه ريان بحال خويا يعني عادي انا كنعتبرو بحالو بحال معاذ ليليا: (بفرحة) اه مزيان.. دخلت دوشت وتوضيت صليت وهبطت لتحت لقيتهم بداو الفطور وهي حشماانة..
