انا: من فوقاش ونتا فايق مجد: شي نص ساعة دبا انا: وعلاش مفيقتينيش مجد: عجبتيني ونتي ناعسة انا: (تزنكت) احم انا نايضة نغسل وجهي ونهبطو نوجدو الفطور مجد: ههههه وااخة.. دخلت للحمام توضيت وخرجت هزيت حوايج الصلا مجد: تسناي نصليو بجوج انا: (بفرح) وااخة... فرشنا صلايات ووقف قدامي صلا بيا كان احساس زويين بزاف كملنا الصلا وهبطنا فطرنا ومشيت انا لخدمتي وهو مشا للكلينيك تافقنا نتغداو بجوج.... داز شهر هكا مرة مرة كيجي يبات معايا مي كل واحد فبيت سامحتو وقررنا غير يجي خويا نتزوجو فهاد المدة كنحس بلي مجد كيبغي يقولي شي حاجة وفاش كنسولو كيقولي والو.. اليوم جاي خويا ومراتو جبت 3 دالخدامات خملو الدار وقاديت بيتهوم وبدلت الفراش ديال بيتهوم وصلات العشية كانت الدار نقية والعشا واجد.. شوية تحل الباب انا: (مشيت كنجري عنقت سامي) هئ هئ توحشتك سامي: (مزير عليا) حتى انا توحشتك بزاااف انا: (عنقت ماجدة) توحشتك الخايبة ماجدة: حتى انا اختي.. جلسنا وهو يجبدني عندو عنقني بيد وحدة سامي: حبيبتي كيدوزتي هاد الشهر اتكوني قنطتي انا: هههه لا داز مزيان المهم نتوما فرحانين وبخير سامي: (حطني قدامو وكيشوف فوجهي) كاينة شي حاجة معارفهاش انا: (حدرت راسي) لا مكاين والو سامي: ههههه تصالحتو ياك انا: ممم اه وخبعت وجهي بيدي ماجدة: شي حد يشرحلي علامن كتهدرو سامي: هههه ليلى وخوك مجد كيبغيو بعضياتهم كتر من 3سنين ماجدة: (مصدومة) واش بصح.. اااه دبا عاد تفكرت شحال هادي كان جا من المغرب معصب وكنت حسيت بلي مقلق من شي حاجة حتى الواحد النهار دخلت لبيتو ولقيت ورقة مكمشة فالارض هزيتها لقيت مكتوب فيها 'علاش مزال كنبغيك ونتي خنتيني' المهم كانت طويلة مابقيتش عاقلة هادشي علياش عقلت وفالاخر كتب 'ليلى' يعني نتي هي ديك البنت انا: (حدرت راسي) اه انا سامي: مي هي مخانتوش هو فهم غلاط كان سحابلو بلي هي كتبغيني انا حيت كيفما عاودتليك بلي ماشي بزاف باش عرفت خوتي وماما.. هو مشا قبل مايفهم وحتى هي تعدبات لدرجة وصلات للكلينيك دارت عملية ودبا فاش شافها سحابلو بلي هي مزوجة وجوري بنتنا ماجدة: (جات عنقاتني) باينة هو كيبغيك حيت بقا كيهدر معاك وخا عرفك مزوجة يعني حبو كان كبير.. اول مرة فاش بغا نجلاء لي خانتو مع صديقو عطاها قتلة دالعصا وخلاها وواخة رجعات عتادرات ماسمحهاش ونساها مي نتي لا على حساب ديك الورقة يعني بقا كيفكر فيك واخة سحابليه بلي خنتيه انا: حتى انا اختي كنبغيه بزاف سامي: اهيا جمعي راسك وحشمي ماجدة: بعد من البنت سامي: هههه تحاميتو دبا انا: هههه بقيتي فيا لي جا كيوقف معايا وكيخليك بوحدك ماجدة: لا لا انا مع حبيبي وراجلي انا: شوفلييك البنت كيفاش تقلبات عقلي فيها سامي: ههههه مسكينة بقيتي فيا حسيتي بيا شوية انا: بعد مني يخ منكوم زيدو تعشاو.. مشينا جلسنا كنتعشاو... احم خويا راه غدا غانمشي سامي: فيين انا: راني كريت واحد الدار سامي: (حبس من الماكلة) كيفاااش انا: دبا راك تزوجتي وانا خاصني نخليكوم على راحتكوم سامي: وشكون قاليك مصدعانا ماجدة: اه سامي عندو الحق ماعندك فين تمشي انا: لا من الاحسن نمشي انا تسنيتكم غير تجيو ونمشي وبالنسبة لجوري مرة مرة ناخدها ليكم نتا عارفني مانقدرش نبعد عليها بزاف سامي: (لاح المعلقة) اخر مرة نسمع منك هاد الهدرة وغتبقاي هنا معايا فهمتي انا: (حدرت راسي) واخة سمحلي ماجدة: (شداتلي يدي) سمعي انا فاهماك بلي باغا تخلينا بوحدنا مي حنا بغيناك تبقاي معانا.. دبا انا شكون غادي يحامي عليا الى مشيت درت شي زبلة من غيرك انا: ههههههه سامي: يخليلي الضحيكة ياله تعشاي ونساي عليا ديك الهدرة انا: اوكيي.. كلينا و وراوني التصاور لي دارو حتى وصلات 11 وطلعت هدرت مع مجد عاد نعست
