Dream

1

After ng battle of the band, walang araw ata na hindi ko naririnig sa mga kaibigan ko ang pangalan nung pinsan ni Olive. Walang ibang bukambibig ang mga kaibigan ko kundi ETHAN. ETHAAAN. EEEETHAAAN!! Oo na nga, gwapo talaga yung lalaking yon pero required ba talaga na araw araw nilang sasabihin yon??

Malapit na ang exam week at ang wish ko lang naman ay sana may maisagot sila sa test paper kaka-Ethan nila ha?! Mabuti nga at naisip nilang mag aral ngayon sa library dahil kung hindi pa kami mag rereview, talaga namang panigurado may babagsak samin.

Pero mukhang hindi rin sila makakapag-aral ng maayos dahil pagkapasok palang namin sa library kitang kita agad ang distraction. Yes, Ethan is here! Sinusundan ko lang sa paglalakad ang mga kaibigan ko habang... habang nakatingin sa tukso.

Hindi ko alam kung gaano ko na sya katagal tinitignan or even noticing him. Nag simula lang naman to nung gabing sumali sila sa battle of the band and the next days are unknown.

I was watching him bitting his lower lip and seriously staring at his book. Makapal ang kilay nya, matangos ang ilong, makinis ang mukha at maganda ang labi. Hindi ko alam na kaya pala talaga ni lord gumawa ng ganyang kagandang mukha!

"Beb, ayun may pwesto na. Tara?"

Napatingin ako kay Anya na nakaturo sa kabilang table malapit sa pwesto ni Ethan. Hindi ko alam kung malas ba o swerte dahil minsan na nga lang kami magawi sa library, e nandito pa siya.

"Gaganahan akong mag aral ngayon ah?" Pagpaparinig ni Yara kay Ethan pagkarating namin sa pwesto.

"Hey!" Agad na tumango ang lalaki samin ng makita niya kami.

Kinuha ko agad ang ipad na dala ko dahil gumawa na ako ng sarili kong notes para mas madali kong maintindihan at matandaan ang mga inaaral ko. Kailangan kong mag focus sa binabasa ko dahil alam kong  madidistract ako. Hindi pa nakakatulong ang amoy ng pabango nitong lalaking to! Sobrang bango niya as in!  Kahit  may isang metro ang layo niya samin amoy na amoy ko pa din. Ano kayang perfume niya? Mukhang mamahalin. Amoy big time e.

Paulit ulit akong napapapikit dahil sa nararamdaman ko. Hindi ko alam bakit ba kasi ganito! Ang lakas ng kabog ng dibdib ko. Ang hirap hirap tuloy mag focus!

"Oh aalis ka na?" Nag angat ako ng tingin kay Olive nang mag salita ito. Pinipigilan ko din ang sarili na tumingin sa lalaki kaya muli nalang akong yumuko at binasa ang notes ko kahit wala na akong maintindihan.

"May last class pa ako e." I heard him.

"Sus. Nadidistract ka lang ata sa ganda ko e?!" Panunukso ni Yara sakaniya. I simply glanced at him. Natatawa siya sa sinabi ng kaibigan ko, nakita ko nanaman tuloy yung ngiti nyang yan.

"You're so funny." He chuckled.

"Funny talaga yan, comedian yan paglaki e." Sabat ni Olive. "May gig ka mamaya?

"May gig kami mamaya sa Booze." I heard him again. "Gusto nyo pumunta?"

"May bayad?" Tanong agad ni Anya. Napatingin ako sa mga kaibigan ko. Mukhang alam ko na kung saan magtatapos to.

"Guys, pass muna ako ha." Pangunguna ko. Sabay sabay tuloy silang tumingin sakin.

"Ang arte, sumama ka na. Minsan lang!" Suway agad ni Yara sakin.

"Oo nga naman Kisses," sambit pa Olive.

Hindi na ako nag salita sa pamimilit nila. Ayaw ko makipagtalo sakanila habang narito si Ethan. Nahihiya ako hindi ko alam kung bakit.

"Te, sumama ka na! Pag hindi ka sumama magkakaroon ka lagi ng tigyawat sa bawat VTR na pupuntahan mo!" Nagtawanan sila sa sinabing yon ni Yara.   Natahimik lang sila ng mag salita ulit si Ethan.

"Sumama ka na Kisses, minsan lang naman." He said while looking at me! Kung makapag salita naman, close ba kami?

Napaayos tuloy ako ng upo at marahang kinagat ang ibabang labi ko. Nanlalamig ang mga kamay ko hindi dahil sa sinabi niya, kundi dahil pakiramdam ko natutunaw ako sa pagtitig nya.  Hindi pa nakakatulong ang pagtutukso ng mga kaibigan ko sa aming dalawa. Hindi tuloy ako makapag isip!

"Guys, sasama yan si Kisses, ako bahala dyan!" Marahan pa akong inakbayan ni Yara.

I saw how his lips smiled before our eyes met. "Sige asahan ko kayo ha?"

"Sure, babe!" Sagot agad ni Yara sakaniya.

Pagka-alis na pagka-alis tuloy ni Ethan ay agad akong bumaling sa mga kaibigan ko. Masama ang tingin at halatang inis na inis!  Hindi talaga ako sasama! Aral muna bago landi! Charot!

"Im not going!" Pag angal ko agad.

"Ssshhh. Close nalang ang mouth!" Tinakpan ni Anya ang bibig ko gamit ang mga palad nya. "Isasama ko si Matt mamaya, kasi wala akong car na dala."

"Ako din wala! Hindi ko dala!" Sabat ko agad.

"Sssssh... tama na. Quiet na." Pag awat naman sakin ni Olive. "Dala ko SUV, kasya tayong tatlo don nila Yara kahit humiga ka pa."

"Paano ako pauwi?" Pagrarant ko pa rin kahit mukhang wala na akong magagawa.

"Ihahatid kita. I got you!"

Nanahimik nalang ako sa sinabi ni Olive. Hindi ko alam kung anong dapat kong maramdaman. Parang bigla akong nawalan ng karapatan ah? Kundi ko lang mga kaibigan to e! Kung maka oo sa gala akala mo malayo pa ang exam week! Kahit saan talaga  go na go!