Dream

50

"Bakit ba ako sumama? Bakit?!"

Nag rereklamo ako sa tapat ng salamin habang nag lalagay ng makeup. Nakabihis ako ng white halter dress at may dala-dalang malaking hand bag.

Lumipas nga ang mga araw nang matiwasay hanggang sa nag message sakin si Olive na sumama nga sa reunion ng batch namin. Ayaw ko talagang sumama pero magaling siyang mamilit at ngayon pinagsisihan ko na!

"Ano ka ba! Okay lang yan! For sure naman, hindi pupunta si Elijah dahil may lipad yon kahapon pa! Bukas pa ang dating!" Pampalubag-loob niya sa akin.

Hindi lang naman yon ang dahilan ko kung bakit ayaw kong pumunta. Wala pa akong tulog! Hindi ko nga alam kung paano pa nag pa-function ang mga organs ko. Mamamatay na ata ako sa sobrang dami kong trabaho. Nangangalay na nga ang bibig ko kakangiti at paganda sa harap ng camera.

Pagkarating namin doon sa restaurant, kinantyawan kaagad kami ng mga kaklase namin noon. Sayang nga lang daw at wala si Yara.

"Si Kisses, grabe sobrang ganda pa din." Tuwang-tuwang sabi ng isa naming kaklase. "Sexy mo!"

"Thank you," awkward na sabi ko dahil hindi ko naman siya naging close.

Nasa kabilang table naman ang ibang ka-batch namin. Naging abala rin sila sa pagkekwentuhan habang tahimik lang akong nag se-cellphone dahil gusto ko nang matulog.

"Bored?" Tanong sa akin ni Anya habang nasa kalagitnaan ng program.

"Antok na, te!"

Napatigil si Anya nang mapasigaw yong host ng program. Napatingin tuloy kami sa entrance at nakita ko ngang papasok sila Archie at Elijah. Sinusundan sila ng tingin ng mga tao. Yung iba ay nakita ko pang pinabalik-balik ang tingin sa akin at kay Elijah.

"Kisses, laro tayo!" Hinatak ako bigla ni Olive dahil wala raw siyang partner doon sa laro. Pakiramdam ko sinadya niya akong hatakin dahil ang kalaban namin ay sina Archie at Elijah. Sa beer pong pa talaga ako inayang maglaro!

"Ako muna," sabi ni Elijah at pinatalbog niya yung bola. Na-shoot yon sa basong nasa tapat ko. Napalunok ako dahil hanggang ngayon ay hindi pa rin ako umiinom ng alak, pero mukhang wala akong choice ngayon.

"Inumin mo na sis, sayang sampung libo!" Sigaw pa ni Anya sakin.

Noong turn ko na, pinatalbog ko ang bola at tsumamba pang na-shoot yon sa basong nasa tapat din ni Elijah.

"Ops, sorry." Sabi ko kaagad. Ngumisi lang siya at ininom agad ang alak, sabay patalbog agad ng bola at na-shoot nanaman yon sa basong nasa tapat ko.

"Ops, sorry..." ginaya niya pa ang tono ko kanina. "Kung hindi mo na kaya, pwede ka na mang umalis, tulad ng ginawa mo noon." Napatakip pa siya sa bibig ng sabihin niya yon.

"Hala, parang tanga si Elijah! Laro lang e!" Sabi ni Anya, "bat parang namemersonal?"

Buong laro ay baso ko ang tinarget ni Elijah, pero si Olive na ang umiinom ng iba para sa akin. Talo naman na kami kaya umalis na ako roon at pumunta ng rest room.

Naghilamos ako at nag retouch ng makeup para naman bumalik sa katinuan. Hindi ko na nga alam kung saan ako nahihilo e, sa alak ba? O sa antok? Pagkalabas ko ng restroom ay nakita ko si Elijah na naghihintay sa labas.