Dream

11

"Hoy! Anong mukha yan?"

Napangiti ako ng malungkot nang makita si Yara sa tabi ko. She's wearing a long beach dress tapos naka-braid ang mahaba niyang buhok. Gaya niya, naka beach dress din ako pero hanggang tuhod ko lang ang haba non.

Biglaan ang pag punta namin rito sa Zambales. Gusto kasi nilang mag unwind kaya biglaan ang outing namin. Nag rent lang sila ng private resort kaya kami lang talaga ang tao dito. Kasama namin sina Ethan at Archie dahil ininvite ni Olive. These past few weeks, pansin ko na hindi lang sila Olive at Anya ang nadagdag sa buhay ko. Naging parte na din ng buhay ko si Ethan at Archie.

"Mag tigil ka nga Kisses... Nakakahawa yung mood mo!" suway ulit ni Yara sa akin. Nakasimangot na siya at halatang ayaw akong nakikitang ganito.

"Ganon ba katindi ang kalungkutan ko at umaabot pa sayo?" 

Inismiran niya ako pero ngumiti din agad. "Si Tito nanaman ba?"

Hindi ako nakapag-salita agad sa sinabi niya dahil hindi ko din alam kung bakit ba down na down ako. Minsan may times talaga na pakiramdam ko na i-stock ako sa isang madilim na lugar at wala akong ibang nakikita kundi ang sarili ko lang.

"Ikaw kasi e, masyado kang masunurin... Sayo na nga nanggaling na wala naman silang pake sayo, e bat ayaw mo pa din gawin ang mga bagay na gusto mo?" ramdam ko ang inis sa tono niya.

"Hindi ko din alam, e." malungkot na sabi ko. Nakatingin lang ako sa dagat habang pinapakinggan ang hampas ng alon.

"Hindi rin naman to tungkol sa pangarap ko lang." sambit ko pa.

Natahimik siya dahil sa sinabi ko. Nakatingin na rin siya sa dagat at dinamayan ang katahimikan ko. Kahit hindi naman siya mag salita alam kong alam niya kung ano ang tinutukoy ko.

Hindi rin siya umalis sa tabi ko nang marinig niya ang mga hikbi ko. Ganyan naman si Yara pag alam niyang ganito ang mood ko. Wala siyang ibang gagawin kundi ang samahan lang ako. Naniniwala kasi siya na pag ang taong umiiyak daw kinomfort, mas lalong maiiyak yung taong yon.

Mga bata pa lang kami ganyan na siya sa akin e. Lagi niyang pinaparamdam na hindi ako mag isa dahil nandyan naman siya para samahan ako. Lagi siyang nariyan para pakinggan ako.

"Girls, kakain na daw." agad kong pinunasan ang mga mata ko nang marinig ang boses ni Ethan.

"Luto na lahat ng hinanda niyo?" tanong agad ni Yara nang makarating sya sa pwesto namin. Pero hindi nasagot yon ni Ethan dahil napunta ang atensyon niya sa akin.