Dream

9

"Anong nababalitaan kong nililigawan ka ni Ethan?! Shuta ka... lumalandi ka na?!" napairap ako sa sigaw ni Anya sa room. 

"Untouchable na yan!" kantyaw pa ni Olive sa kanya. Nakaupo lang ako habang pangiti-ngiti lang sa kanila. 

"Ano na? Pumasok ako para sa chismis kaya wag mo akong idaan sa mga ngiti mo!" 

"Ito naman si Anya parang hindi pinag daanan yan!" sabi ni Yara habang papalapit sa amin.

Tinititigan nila akong tatlo at nag aabang  sa sasabihin ko. I wouldn't deny that I like Ethan's way of proving his feelings for me. Lahat ata ng effort sa akin nang taong yun e, hindi pumalpak. Palagi niya akong napapasaya.  Kuhang kuha niya ako

"Ayan na! Ngumingiti na mag-isa delikado to!" hinampas ko sa balikat si Yara nang sabihin niya yon. Paano ba naman kasi lahat ay napapansin niya!








"Ganyan ka pala kiligin Kiss? Nananakit?!" isa pa tong si Olive kung ano ano pinag sasabi kaya nahampas ko din.

Tumambay lang kami sa room hanggang mag lunch time. Pinag uusapan namin na sa mall kami kakain dahil hindi na namin papasukan ang last subject. Pero biglang nag iba ang plano nang makita nila si Ethan na nasa labas nang room at may bitbit na mga pagkain.

Konti nalang ang natirang kaklase namin sa loob kaya walang nanukso sa akin. Agad naman akong hinila ni Yara patayo para salubungin si Ethan sa labas. Bumungad sa akin ang ngiti niya kaya nahawa na din ako. Matangkad ako pero mas matangkad siya. Halos hanggang balikat niya nga lang ako.

"Taray may pa-lunch!" sabi ni Olive sa kaniya pag kapasok namin ng room.

"Para hindi na kayo lumabas, sasabay na din kasi ako ng kain sainyo." ngiti niya sa mga kaibigan ko.

"Kung lagi kang may dala kahit araw araw ka pa namin kasabay!" pag bibiro ni Yara.

"Tara na... kumain na tayo!" sabi ni Anya na kanina pa gutom. Kinuha niya agad ang isang paper bag na hawak ni Ethan at kumuha ng isang drinks para sa kaniya.

 "Thank you, Ethan." mahinhin na sambit ko. Magkatabi kami kaya mahina lang ang boses ko. Pero kahit na mahina na ang pagkakasabi ko, narinig pa rin ni Yara yon.