Dream

8

"Anong nangyare sayo nung sabado?" bungad sa akin ni Yara pagkapasok ko sa room.

HIndi ko siya sinagot. Niyakap ko lang siya bago ako umupo sa upuan at nag labas ng libro sa bag ko. 

"Bat kayo magkasama ni Ethan?" tanong niya pa.

"Kumain lang kami sa labas." sagot ko habang itinatali ang buhok ko.

"Kumain nanaman sa labas? E may pagkain naman don sa event." pag-irap niya pa.

Napasinghap na lang ako dahil alam ko namang hindi ko kayang ilihim sa kanila ang tungkol sa amin ni Ethan. Pagkatapos ng gabing hinatid niya ako sa bahay naging espesyal na ang pakikitungo niya sa akin. Wala naman siyang ipinaalam o ipinangako, kusa ko lang nararamdaman ang mga kinikilos niya para sa akin. Hindi ko pa alam kung ano ba talaga kami dahil wala naman siyang sinasabi pero sa mga kilos niya ay may hinala na ako.

"Slowly but surely ang atake ng pinsan ko mga ante!" sagot agad ni Olive ng sabihin ko sa kanilang hindi pa nanliligaw si Ethan pero parang papunta na sa ganon. Gets nyo ba?

"Tigilan mo ako Olive!" pangongontra ni Yara.

"Nasa getting to know stage pa sila okay? Wag mo madaliin, hindi naman ikaw ang gusto e!"

Natatawa na lang ako sa pagtatalo nilang dalawa. Alam ko naman na concern lang sa akin si Yara lalo na't ngayon niya lang ako nakitang makipag usap sa lalaki. Ineenjoy ko nalang din kung anong meron kami ni Ethan. Ayaw ko rin madaliin dahil ayaw ko din naman maagang masaktan.

"Ano yan?" tanong ko kay Ethan nang makita siyang nagbabasa.

Pagkatapos kasi ng klase ay dumiretso kami sa Booze dahil mayroong gig ang banda nila. Inaayos pa ang stage at wala pa sila Archie kaya narito siya sa table namin at tahimik na nag babasa ng notes niya.

"Reviewer." nakangiting sagot nya sa akin, kahit nasa notes ang mga mata niya. One thing I notice about him, he knows how to compromise things. Natutuwa ako sa kaniya dahil kaya niyang pagsabayin ang pag aaral at ang musika.

"Tapos na ang exam diba?" takang tanong ko.

"Para sa pagpapalipad ng eroplano to."

"Mag pipiloto ka? Akala ko gusto mo maging FA?" takang tanong ko ulit dahil wala naman akong alam sa mga inaaral niya.

"Gusto ko lang ng college degree kaya nag take ako ng tourism... Im currently studying in flying school. Pag pipiloto talaga ang gusto ko... I want to be like my dad."