Dream

3

Naging usap usapan tuloy sa school ang pag post ni Elijah ng picture naming dalawa. May iba na natutuwa may iba naman na hindi. Hindi rin kasi maitatanggi na maraming nagkakagusto sakaniya. Kada daan ko tuloy sa hallway pakiramdam ko pinag uusapan ako.

Hindi naman niya kailangang gawin iyon. Parang gumawa lang tuloy siya nang pag chichismisan sa school. After din naman kasi ng gabing iyon hindi ko na siya nakikita. Bukod sa malayo ang building ng tourism samin, crush lang naman niya ako. Kung totoo man yon ha? Wala naman siguro siyang ibang intensyon sa pag post niya na iyon kaya hindi ko alam kung bakit ginawang big deal iyon ng iba.

"Kape tayo mga ate ko!" Parang tamad na tamad si Anya ng ayain kami. Kakatapos lang ng major exams namin at kampante naman ako sa mga sagot ko.

"Huy, tara! Bet ko yan! Deserve ko mag kape dahil sa hirap ng exams." Lumapit sa akin si Olive at tinulungan akong mag ayos ng gamit ko.

Sakanilang tatlo, mas malapit talaga ako kay Yara dahil magkakilala na kami simula elementary palang. Sabi niya sa akin ay binibigyan niya ako ng space para makakilala ng iba dahil siya lang ang kaibigan ko simula noon. Madali lang naman pakisamahan at mga kaibigan namin kaya naging malapit na rin ako kila Olive at Anya. Lalo na kay Olive dahil magkatabi kami sa upuan. Si Anya naman hati ang oras sa amin dahil sa boyfriend niya at naiintindihan naman namin iyon.

Nagkayayaan nga kaming apat sa starbucks. Maaga pa naman kaya paniguradong magtatagal nanaman kami sa pag tambay dito. Kahit na puro gastos ang mga kaibigan ko, swerte pa rin ako dahil hindi ako napabarkada sa mali. Maganda naman ang naidudulot nila sakin. Magastos nga lang. Kung makapag-waldas kami ng pera parang anak kami ni Henry Sy.

"Mauna na kayo sa table at umorder na din kayo. Mag rest room lang ako." Paalam ko sakanila. Nagkatinginan kami ni Yara dahil alam niya naman ang gusto ko.

"Got you, beb!" Kindat niya pa sakin.

Pumunta lang ako sa rest room para umihi at mag ayos na din. Hindi kasi ako nakapag retouch kanina dahil nag mamadali sila papunta dito. Ginawa ko lang ang routine ko atsaka nag spray ng alcohol sa kamay atsaka nag pabango.

Hinahanap ko ang pwesto nila nang makasalubong ko ang mga pamilyar na lalaki. I think sila yung mga kabanda ni Elijah. Napatigil pa sila sa paglalakad ng mamukhaan ako. Isa isa ko silang tinignan at tama nga si Yara, lahat sila gwapo.

"Classmate mo si Olive diba?" Tanong sakin nung drummer. Mukha siyang may lahi pero mukha rin siyang bad boy dahil sa hikaw niya sa labi.

"Hindi satin nasabi ni Olive na mayroon siyang classmate na maganda." Sabi pa nung kasama niya.

"Hey, ano nanaman yan?" Lumapit sa akin ang guitarist. May hawak itong isang cup na order niya at nakangiting nakatingin sakin.

Isa ito sa pinaka gwapo sakanila. Itim na itim at bagsak ang buhok niya. Medyo tumatama pa nga ang bangs niya sa singkit niyang mga mata. May hikaw siya sa kaliwang tenga at mahahalata mo talaga sa itsura niya na mayaman siya. Mukha siyang korean leading man kung susuriin mo ang kabuuan niya.

"Ah sige, una na ako. Hinihintay na rin ako ng mga kasama ko." Paalam ko sa kanila. Nag bubulungan kasi sila kaya umalis na ako sa harapan nila kaso...