Dream

22

May ilang araw pa ang bakasyon kaya lagi kaming nagkikita ni Ethan tuwing hapon at sabay na kakain ng dinner sa mall. It was our routine for the next few days until New Year's Eve came.

Napag usapan naming magkaibigan na magkakasama kaming sasalubungin ang bagong taon kaya nag booked sila ng condo. Ininvite din nila ang mga kabanda ni Ethan para daw marami kami. Ngayon na lang ulit kami nagkita-kita dahil kakauwi lang din nila galing bakasyon.

"Matt bababa pa ba kayo? Pasabay naman ako ng gamot sa sakit ng ulo." nakahawak sa noo niya si Yara habang naka sandal sa sofa at nakikisuyo sa boyfriend ni Anya.

"Masakit nanaman ulo mo?" tanong agad ni Anya sa kaniya. 

"Baka dehrydrated ka? Kulang ka na ata sa tubig." sabi naman ni Matt sa kaniya. Mukhang nag aalala din.

"Kulang ako sa tulog." sagot nya sa amin. "Asan na ba si Olive? Patawagan nga para sa kaniya na lang ako magpapabili."

Tatawagan ko na sana si Olive nang biglang bumukas ang pinto at siya ang nakita ko. Kasama niya si Archie na nasa likuran niya at... Magkahawak kamay silang pumasok sa loob. Nagtataka akong tumingin kila Yara na mukhang katulad ko, nag tataka din sa kamay nila.

"Bat magkahawak ang kamay niyo?" tanong agad ni Anya sa kanila. Lahat kami nakatingin lang kay Olive at nag hihintay ng sasabihin niya.

"Sorry, late ako..." paninimula ni Olive sa amin. Wala tuloy pumansin sa sinabi niya dahil nakatingin pa rin kami sa magkahawak nilang kamay ni Archie.