Unicode
Dear White
ကျွန်တော် ကျွန်တော့် crush ကိုစကြိုက်မိတဲ့နေ့ကို
ခုထိထင်ထင်ရှားရှား မှတ်မိနေသေးတာ အံ့သြစရာပဲဗျ။
သူ့ကို စကြိုက်မိပြီးမှ ကျွန်တော့်ကို ကျွန်တော်လည်း gay
တစ်ယောက်မှန်းလက်ခံမိလိုက်တာ။ ပြောရရင် ကျွန်တော်က သူ့ကြောင့် Gay သွားတယ်ပဲ ပြောရမလားရ
သူ့ကိုစသိတာကတော့ စာမေးပွဲတစ်ခုကနေ အရင်းပြုတယ်ပဲ ပြောရမယ်.......
******************************
လွန်ခဲ့သော ၂နှစ်ခန့်က
" လင်း...မင်းဘေးမှာထိုင်မယ့် အစ်ကိုကြီးက စာတော်တယ်တဲ့...ဟိုက်ပါတဲ့"
ဗညားဟိန်းမာန်၏စကားကြောင့် လင်းသည် သူစာမေးပွဲဖြေရမည့် ထိုင်ခုံနေရာသို့ လှမ်းကြည့်လိုက်သည်။ ထိုနေရာ၏ဘေးတွင်အသားဖြူဖြူနှင့် ကောင်လေးတစ်ယောက်ထိုင်နေသည်။ ထိုကောင်လေး၏ ပတ်လည်တွင်တော့ ကောင်လေးသုံးယောက် ရှိနေပြီး သူတို့အချင်းချင်း ရယ်လိုက် မောလိုက်နှင့် စကားစမြည်ပြောဆိုနေကြ၏။
လင်းက စာမေးပွဲမဖြေခင် အချိန်ရခိုက်လေးတွင် သူငယ်ချင်းများနှင့် လေချနေခြင်းဖြစ်သည်။ လင်းတို့ အုပ်စုက ထိုအစ်ကိုကြီးအုပ်စု၏အနောက်ဘက် ခပ်ဝေးဝေးအကွာတွင် ရှိသည်မို့ ထိုအစ်ကိုကြီးတို့အုပ်စုသည် လင်းတို့အုပ်စု လက်ညိုးတစ်ထိုးထိုးနှင့် အတင်းတုတ်နေသည်ကို မသိနိုင်ပါ။
" အဲ့တစ်ယောက်က နာမည်ကြီးတယ်မလား....သူတို့က
သူငယ်ချင်းလေးယောက်လုံး နာမည်ကြီးတာ.. "
ရိပ်မျက်ခြယ်က သူမ သိသော သတင်းကိုမျှဝေသည်။
ထက်မြတ်နိုးစုကရိပ်စကားကို ဝင်ရောက်ထောက်ခံ၏။
" နာမည်ကြီးရုံတင် ဘယ်ကမလဲ...နက္ခတ်ညီနဲ့ ခွန်စိုင်းမင်းရှန် ဆိုရင် ကြီးလာရင် အနုပညာလုပ်ဖို့ ရည်ရွယ်ပြီးသားလို့ပြောတယ်..."
" နက္ခတ်ညီကတော့ ဘယ်တစ်ယောက်လဲဟ"
သုတက ဝင်မေးသည်။ နိုးနိုးက လက်ညိုးမသိမသာထိုးရင်း ပြောပြသည်။
" ညာဘက်ထောင့်စွန်းက ရယ်နေတဲ့ ပါးချိုင့်နဲ့တစ်ယောက်က နက္ခတ်ညီ...စာအုပ်ကိုကိုင်ပြီးကြည့်နေတဲ့တစ်ယောက်က ဖြိုးသတ္တိလှိုင်....hoodie ဝတ်ထားတာက ခွန်စိုင်းမင်းရှန်...ထိုင်နေတဲ့တစ်ယောက်က စိုင်းရှင်းယံ"
ESTÁS LEYENDO
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
