Unicode
တစ်ရက်.....
နှစ်ရက်..........
သုံးရက်.............
စိုင်းရှင်းယံမှ တစ်စုံတစ်ရာ ဆက်သွယ်မှုကိုမရခဲ့ပါ။
တဟုန်းဟုန်းထတောက်ပြီး ငြိမ်းသွားသည့်ကောက်ရိုးမီးလိုမျိုး လင်း၏သတင်းမှာလည်း တစ်စ တစ်စနှင့် မေ့ပျောက်ခြင်းခံသွားရသည်။ လင်း၏သတင်းကို ဘယ်သူမှသတိမရတော့။ ဘယ်သူမှ အထူးတလည်ပြောဆိုခြင်းမပြုတော့။ လင်း၏သတင်းမှာ လူအများ၏ပါးစပ်ဖျားတွင် ခဏတာ အတင်းအဖျင်းတစ်ပုဒ်သာ ဖြစ်သွားရသည်။
ထိုအဖြစ်အပျက်တွင် ပြောင်းလဲမှုနှစ်ခု ဖြစ်သွားသည်။
တစ်ခုမှာ လင်းဟာ Gay တစ်ယောက်ဖြစ်ကြောင်း အကုန်လုံးသိသွားမှုနှင့် ကျန်တစ်ခုမှာ လင်း, အခန်းထဲကအခန်းပြင်မထွက်တော့ခြင်းဖြစ်သည်။ ကျောင်းသို့ရောက်သည်နှင့် လင်းသည် စာသင်ခန်းသို့သာပြေးလာပြီး အပြင်ထွက်ခြင်းမပြုတော့။ ကျောင်းဆင်းချိန်ရောက်သောအခါမှသာ ကျောင်းကားဆီသို့ တည့်တည့်မတ်မတ်သွားခြင်း ပြုတော့သည်။
မုန့်ဈေးတန်းသို့မလာ။ ဘောလုံးကွင်းသို့မလာ။
Deviated လုပ်ထားသော facebook account အပြင် သူ၏သူငယ်ချင်းလေးယောက်ကိုသာ စကားပြောဆိုခြင်းပြုတော့သည်။
စာငုံ့ရေးနေသည့် လင်း၏မျက်နှာလေးသည် လေးနက်ရှင်းသန့်နေသည်။ အရှေ့ကိုမော့ကြည့်လိုက်၊ စာပြန်ကူးရေးလိုက်နှင့် အလုပ်ရှုပ်နေသည့် လင်းသုခတ်ကို နက္ခတ်ခပ်ဝေးဝေးမှ လှမ်းမြင်နေရသည်။
ပြတင်းပေါက်ကိုဖြတ်၍ လှမ်းမြင်နေရသော လင်း၏ပုံရိပ်.....
နက္ခက်သည် ဝရံတာဘောင်ကို လက်ထောက်လျက်
မိမိလှမ်းမြင်နေရသောကျောင်းအဆောင်၏ပြတင်းပေါက်ကိုသာ စူးစိုက်ကြည့်နေသည်။ နက္ခက်ရှိနေသော ကျောင်းအဆောက်အဦမှ လင်းရှိနေရာအဆောက်အဦကိုလှမ်းမြင်နေရသောကြောင့်။ အထူးသဖြင့် လင်းက ပြတင်းပေါက်ဘေးခုံတွင်ထိုင်နေသည်မို့ လင်း၏အပြုအမူမှန်သမျှကို နက္ခတ်,လှမ်းမြင်နေရသည်။
အရင်က အကြောင်းအရင်းမရှိ အမြဲရယ်နေတဲ့ကောင်လေးဟာ ဘာလို့တည်သွားရတာပါလဲ။ အမြဲတမ်း တစ်နေရာထဲမှာအငြိမ်မနေဘဲ လျှောက်သွားနေတတ်တဲ့ကောင်လေးဟာ အခုတော့ အခန်းထဲက အခန်းပြင်မထွက်ဘဲ ငြိမ်ကုပ်သွားရသည်။
YOU ARE READING
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
